post I Vesperas | post II Vesperas DOMINICÆ ET SOLLEMNITATUM |
FERIA II | FERIA III
| FERIA IV | FERIA V
| FERIA VI
V.
Deus, in adiutórium meum inténde.
R.
Dómine, ad adiuvándum me festína.
Glória Patri. Sicut. (Allelúia.)
Postea laudabiliter fit conscientiæ discussio, quæ in celebratione communi inseri potest in actum pænitentialem, iuxta formulas in Missa adhibitas.
PSALMODIA
Conceditur, ut ceteris diebus pro psalmos selectos substituantur psalmi dominicæ in commodum præcipue eorum, qui forte memoriter Completorium recitare velint.
Ant. Miserére mei, Dómine, et exáudi oratiónem meam.
Tempore paschali: Allelúia, allelúia, allelúia.
Psalmus 4
Gratiarum actio
Admirabilem fecit Dominus, quem suscitavit a mortuis (S. Augustinus).
Cum invocárem, exaudívit me Deus iustítiæ meæ, *
In tribulatióne dilatásti mihi;
miserére mei *
et exáudi oratiónem meam.
Fílii hóminum, úsquequo gravi corde? *
Ut quid dilígitis vanitátemet quæritis mendácium?
Et scitóte quóniam mirificávit Dóminus sanctum suum; *
Dóminus exáudiet, cum clamávero ad eum.
Irascímini et nolíte peccáre; †
loquímini in córdibus vestris, *
in cubílibus vestris et conquiéscite.
Sacrificáte sacrifícium iustítiæ *
et speráte in Dómino.
Multi dicunt: „Quis osténdit nobis bona?“ *
Leva in signum super noslumen vultus tui, Dómine.
Maiórem dedísti lætítiam in corde meo, *
quam cum multiplicántur fruméntum et vinum eórum.
In pace in idípsum dórmiam et requiéscam, *
quóniam tu, Dómine, singuláriter in spe constituísti me.
Ant. Miserére mei, Dómine, et exáudi oratiónem meam.
Ant. 2 In nóctibus benedícite Dóminum.
Psalmus 133 (134)
Vespertina oratio in templo
Laudem dicite Deo nostro, omnes servi eius et qui timetis eum, pusilli et magni! (Ap 19, 5).
Ecce benedícite Dóminum, omnes servi Dómini, *
qui statis in domo Dómini per noctes.
Extóllite manus vestras ad sanctuárium *
et benedícite Dóminum.
Benedícat te Dóminus ex Sion, *
qui fecit cælum et terram.
Ant. In nóctibus benedícite Dóminum.
Tempore paschali: Allelúia, allelúia, allelúia.
LECTIO BREVIS
Deut 6, 4-7
Audi Israel: Dóminus Deus noster Dóminus unus est. Díliges Dóminum Deum tuum ex toto corde tuo et ex tota ánima tua et ex tota fortitúdine tua. Erúntque verba hæc, quæ ego præcípio tibi hódie, in corde tuo, et inculcábis ea fíliis tuis et loquéris ea sedens in domo tua et ámbulans in itínere, decúmbens atque consúrgens.RESPONSORIUM BREVE
R.
In manus tuas, Dómine, * Comméndo spíritum meum.
In manus.
V.
Redemísti nos, Dómine Deus veritátis. * Comméndo spíritum meum. Glória Patri. In manus.
Per octavam Paschæ, loco responsorii dicitur antiphona Hæc dies, ut in Proprio de Tempore.
Tempore paschali:
R.
In manus tuas, Dómine, comméndo spíritum meum, *
Allelúia, allelúia. In manus.
V.
Redemísti nos, Dómine Deus veritátis. * Allelúia, allelúia. Glória Patri. In manus.
Oremus.
Dominicis et per octavam Paschæ:
Vísita nos, quǽsumus, Dómine, hac nocte præsénti, ut, dilúculo tua virtúte surgéntes, de resurrectióne Christi tui gaudére valeámus. R. Amen.
In sollemnitatibus:
Vísita, quǽsumus, Dómine, habitatiónem istam, et omnes insídias inimíci ab ea longe repélle; ángeli tui sancti hábitent in ea, qui nos in pace custódiant; et benedíctio tua sit super nos semper.
R.
Amen.
Deinde dicitur, etiam a solo, benedictio:
Noctem quiétam et finem perféctum concédat nobis Dóminus omnípotens.
R.
Amen.
Deinde dicitur una ex antiphonis ad B. M. V.