{v}1{/v}Dóminus regnávit! Commoveántur pópuli;{x}
sedet super chérubim, moveátur terra.
{v}2{/v}Dóminus in Sion magnus{x}
et excélsus super omnes pópulos.
{v}3{/v}Confiteántur nómini tuo magno et terríbili,{x}
quóniam sanctum est.
{v}4{/v}Rex potens iudícium díligit:{+}
tu statuísti, quæ recta sunt,{x}
iudícium et iustítiam in Iacob tu fecísti.
{v}5{/v}Exaltáte Dóminum Deum nostrum{+}
et adoráte ad scabéllum pedum eius,{x}
quóniam sanctus est.
{v}6{/v}Móyses et Aaron in sacerdótibus eius{x}
et Sámuel inter eos, qui ínvocant nomen eius.
Invocábant Dóminum, et ipse exaudiébat eos,{x}
{v}7{/v}in colúmna nubis loquebátur ad eos.
Custodiébant testimónia eius{x}
et præcéptum, quod dedit illis.
{v}8{/v}Dómine Deus noster, tu exaudiébas eos;{+}
Deus, tu propítius fuísti eis,{x}
ulcíscens autem adinventiónes eórum.
{v}9{/v}Exaltáte Dóminum Deum nostrum{+}
et adoráte ad montem sanctum eius,{x}
quóniam sanctus Dóminus Deus noster.
HTML © Juraj Vidéky