{v}1{/v}Cantáte Dómino cánticum novum,{x}

quia mirabília fecit.

Salvávit sibi déxtera eius,{x}

et bráchium sanctum eius.

{v}2{/v}Notum fecit Dóminus salutáre suum,{x}

in conspéctu géntium revelávit iustítiam suam.

{v}3{/v}Recordátus est misericórdiæ suæ{x}

et veritátis suæ dómui Israel.

Vidérunt omnes términi terræ{x}

salutáre Dei nostri.

{v}4{/v}Iubiláte Deo, omnis terra,{x}

erúmpite, exsultáte et psállite.

{v}5{/v}Psállite Dómino in cíthara,{x}

in cíthara et voce psalmi;

{v}6{/v}in tubis ductílibus et voce tubæ córneæ,{x}

iubiláte in conspéctu regis Dómini.

{v}7{/v}Sonet mare et plenitúdo eius,{x}

orbis terrárum, et qui hábitant in eo.

{v}8{/v}Flúmina plaudent manu,{+}

simul montes exsultábunt {v}9{/v}a conspéctu Dómini,{x}

quóniam venit iudicáre terram.

Iudicábit orbem terrárum in iustítia{x}

et pópulos in æquitáte.

HTML © Juraj Vidéky