{v}1{/v}Dóminus regnávit! Exsúltet terra,{x}

læténtur ínsulæ multæ.

{v}2{/v}Nubes et calígo in circúitu eius,{x}

iustítia et iudícium firmaméntum sedis eius.

{v}3{/v}Ignis ante ipsum præcédet{x}

et inflammábit in circúitu inimícos eius.

{v}4{/v}Illustrárunt fúlgura eius orbem terræ:{x}

vidit et contrémuit terra.

{v}5{/v}Montes sicut cera fluxérunt a fácie Dómini,{x}

a fácie Dómini omnis terra.

{v}6{/v}Annuntiavérunt cæli iustítiam eius,{x}

et vidérunt omnes pópuli glóriam eius.

{v}7{/v}Confundántur omnes, qui adórant sculptília{+}

et qui gloriántur in simulácris suis.{x}

Adoráte eum, omnes ángeli eius.

{v}8{/v}Audívit et lætáta est Sion,{+}

et exsultavérunt fíliæ Iudæ{x}

propter iudícia tua, Dómine.

{v}9{/v}Quóniam tu Dóminus, Altíssimus super omnem terram,{x}

nimis exaltátus es super omnes deos.

{v}10{/v}Qui dilígitis Dóminum, odíte malum;{+}

custódit ipse ánimas sanctórum suórum,{x}

de manu peccatóris liberábit eos.

{v}11{/v}Lux orta est iusto,{x}

et rectis corde lætítia.

{v}12{/v}Lætámini, iusti, in Dómino{x}

et confitémini memóriæ sanctitátis eius.

HTML © Juraj Vidéky