{v}1{/v}Cantáte Dómino cánticum novum,{x}
cantáte Dómino, omnis terra.
{v}2{/v}Cantáte Dómino, benedícite nómini eius,{x}
annuntiáte de die in diem salutáre eius.
{v}3{/v}Annuntiáte inter gentes glóriam eius,{x}
in ómnibus pópulis mirabília eius.
{v}4{/v}Quóniam magnus Dóminus et laudábilis nimis,{x}
terríbilis est super omnes deos.
{v}5{/v}Quóniam omnes dii géntium inánia,{x}
Dóminus autem cælos fecit.
{v}6{/v}Magnificéntia et pulchritúdo in conspéctu eius,{x}
poténtia et decor in sanctuário eius.
{v}7{/v}Afférte Dómino, famíliæ populórum,{+}
afférte Dómino glóriam et poténtiam,{x}
{v}8{/v}afférte Dómino glóriam nóminis eius.
Tóllite hóstias et introíte in átria eius,{x}
{v}9{/v}adoráte Dóminum in splendóre sancto.
Contremíscite a fácie eius, univérsa terra,{x}
{v}10{/v}dícite in géntibus: «Dóminus regnávit!».
Etenim corréxit orbem terræ, qui non commovébitur;{x}
iudicábit pópulos in æquitáte.
{v}11{/v}Læténtur cæli et exsúltet terra,{+}
sonet mare et plenitúdo eius;{x}
{v}12{/v}gaudébunt campi et ómnia, quæ in eis sunt.
Tunc exsultábunt ómnia ligna silvárum{+}
{v}13{/v}a fácie Dómini, quia venit,{x}
quóniam venit iudicáre terram.
Iudicábit orbem terræ in iustítia{x}
et pópulos in veritáte sua.
HTML © Juraj Vidéky