{v}1{/v}Veníte, exsultémus Dómino;{x}
iubilémus Deo salutári nostro.
{v}2{/v}Præoccupémus fáciem eius in confessióne{x}
et in psalmis iubilémus ei.
{v}3{/v}Quóniam Deus magnus Dóminus,{x}
et rex magnus super omnes deos.
{v}4{/v}Quia in manu eius sunt profúnda terræ,{x}
et altitúdines móntium ipsíus sunt.
{v}5{/v}Quóniam ipsíus est mare, et ipse fecit illud,{x}
et siccam manus eius formavérunt.
{v}6{/v}Veníte, adorémus et procidámus,{x}
et génua flectámus ante Dóminum qui fecit nos,
{v}7{/v}quia ipse est Deus noster,{x}
et nos populus páscuæ eius et oves manus eius.
{v}8{/v}Utinam hódie vocem eius audiátis:{x}
«Nolíte obduráre corda vestra,
{v}9{/v}sicut in Meríba secúndum diem Massa in desérto,{+}
ubi tentavérunt me patres vestri:{x}
probavérunt me, etsi vidérunt ópera mea.
{v}10{/v}Quadragínta annis tǽduit me generatiónis illíus,{x}
et dixi: Pópulus errántium corde sunt isti.
{v}11{/v}Et ipsi non cognovérunt vias meas;{+}
ídeo iurávi in ira mea:{x}
Non introíbunt in réquiem meam».
HTML © Juraj Vidéky