{v}2{/v}Bonum est confitéri Dómino{x}
et psállere nómini tuo, Altíssime,
{v}3{/v}annuntiáre mane misericórdiam tuam{x}
et veritátem tuam per noctem,
{v}4{/v}in decachórdo et psaltério,{x}
cum cántico in cíthara.
{v}5{/v}Quia delectásti me, Dómine, in factúra tua,{x}
et in opéribus mánuum tuárum exsultábo.
{v}6{/v}Quam magnificáta sunt ópera tua, Dómine:{x}
nimis profúndæ factæ sunt cogitatiónes tuæ.
{v}7{/v}Vir insípiens non cognóscet,{x}
et stultus non intélleget hæc.
{v}8{/v}Cum germináverint peccatóres sicut fenum,{x}
et florúerint omnes, qui operántur iniquitátem,
hoc tamen erit ad intéritum in sǽculum sǽculi;{x}
{v}9{/v}tu autem altíssimus in ætérnum, Dómine.
{v}10{/v}Quóniam ecce inimíci tui, Dómine,{+}
quóniam ecce inimíci tui períbunt,{x}
et dispergéntur omnes, qui operántur iniquitátem.
{v}11{/v}Exaltábis sicut unicórnis cornu meum,{x}
perfúsus sum óleo úberi.
{v}12{/v}Et despíciet óculus meus inimícos meos,{x}
et in insurgéntibus in me malignántibus áudiet auris mea.
{v}13{/v}Iustus ut palma florébit,{x}
sicut cedrus Líbani succréscet.
{v}14{/v}Plantáti in domo Dómini,{x}
in átriis Dei nostri florébunt.
{v}15{/v}Adhuc fructus dabunt in senécta,{x}
úberes et bene viréntes erunt,
{v}16{/v}ut annúntient quóniam rectus Dóminus, refúgium meum,{x}
et non est iníquitas in eo.
HTML © Juraj Vidéky