{v}1{/v}Qui hábitat in protectióne Altíssimi,{x}

sub umbra Omnipoténtis commorábitur.

{v}2{/v}Dicet Dómino:{+}

«Refúgium meum et fortitúdo mea,{x}

Deus meus, sperábo in eum».

{v}3{/v}Quóniam ipse liberábit te de láqueo venántium{x}

et a verbo malígno.

{v}4{/v}Alis suis obumbrábit tibi,{+}

et sub pennas eius confúgies;{x}

scutum et loríca véritas eius.

{v}5{/v}Non timébis a timóre noctúrno, a sagítta volánte in die,{+}

{v}6{/v}a peste perambulánte in ténebris,{x}

ab extermínio vastánte in merídie.

{v}7{/v}Cadent a látere tuo mille{+}

et decem mília a dextris tuis;{x}

ad te autem non appropinquábit.

{v}8{/v}Verúmtamen óculis tuis considerábis,{x}

et retributiónem peccatórum vidébis.

{v}9{/v}Quóniam tu es, Dómine, refúgium meum.{x}

Altíssimum posuísti habitáculum tuum.

{v}10{/v}Non accédet ad te malum,{x}

et flagéllum non appropinquábit tabernáculo tuo,

{v}11{/v}quóniam ángelis suis mandábit de te,{x}

ut custódiant te in ómnibus viis tuis.

{v}12{/v}In mánibus portábunt te,{x}

ne forte offéndas ad lápidem pedem tuum.

{v}13{/v}Super áspidem et basilíscum ambulábis{x}

et conculcábis leónem et dracónem.

{v}14{/v}Quóniam mihi adhǽsit, liberábo eum;{x}

suscípiam eum, quóniam cognóvit nomen meum.

{v}15{/v}Clamábit ad me, et ego exáudiam eum;{+}

cum ipso sum in tribulatióne,{x}

erípiam eum et glorificábo eum.

{v}16{/v}Longitúdine diérum replébo eum{x}

et osténdam illi salutáre meum.

HTML © Juraj Vidéky