{v}2{/v}Confitébor tibi, Dómine, in toto corde meo,{x}
narrábo ómnia mirabília tua.
{v}3{/v}Lætábor et exsultábo in te,{x}
psallam nómini tuo, Altíssime.
{v}4{/v}Cum convertúntur inimíci mei retrórsum,{x}
infirmántur et péreunt a fácie tua.
{v}5{/v}Quóniam fecísti iudícium meum et causam meam,{x}
sedísti super thronum, qui iúdicas iustítiam.
{v}6{/v}Increpásti gentes, perdidísti ímpium,{x}
nomen eórum delésti in ætérnum et in sǽculum sǽculi.
{v}7{/v}Inimíci defecérunt, solitúdines sempitérnæ factæ sunt;{x}
et civitátes destruxísti: périit memória eórum cum ipsis.
{v}8{/v}Dóminus autem in ætérnum sedébit,{x}
parávit in iudícium thronum suum
{v}9{/v}et ipse iudicábit orbem terræ in iustítia,{x}
iudicábit pópulos in æquitáte.
{v}10{/v}Et erit Dóminus refúgium opprésso,{x}
refúgium in opportunitátibus, in tribulatióne.
{v}11{/v}Et sperent in te, qui novérunt nomen tuum,{x}
quóniam non dereliquísti quæréntes te, Dómine.
{v}12{/v}Psállite Dómino, qui hábitat in Sion;{x}
annuntiáte inter gentes stúdia eius.
{v}13{/v}Quóniam requírens sánguinem recordátus est eórum,{x}
non est oblítus clamórem páuperum.
{v}14{/v}Miserére mei, Dómine;{+}
vide afflictiónem meam de inimícis meis,{x}
qui exáltas me de portis mortis,
{v}15{/v}ut annúntiem omnes laudatiónes tuas in portis fíliæ Sion,{x}
exsúltem in salutári tuo.
{v}16{/v}Infíxæ sunt gentes in fóvea, quam fecérunt;{+}
in láqueo isto, quem abscondérunt,{x}
comprehénsus est pes eórum.
{v}17{/v}Manifestávit se Dóminus iudícium fáciens;{x}
in opéribus mánuum suárum comprehénsus est peccátor.
{v}18{/v}Converténtur peccatóres in inférnum,{x}
omnes gentes, quæ obliviscúntur Deum.
{v}19{/v}Quóniam non in finem oblívio erit páuperis;{x}
exspectátio páuperum non períbit in ætérnum.
{v}20{/v}Exsúrge, Dómine, non confortétur homo;{x}
iudicéntur gentes in conspéctu tuo.
{v}21{/v}Constítue, Dómine, terrórem super eos,{x}
sciant gentes quóniam hómines sunt.
HTML © Juraj Vidéky