{v}2{/v}Misericórdias Dómini in ætérnum cantábo,{x}
in generatiónem et generatiónem annuntiábo veritátem tuam in ore meo.
{v}3{/v}Quóniam dixísti:{+}
«In ætérnum misericórdia ædificábitur»,{x}
in cælis firmábitur véritas tua.
{v}4{/v}«Dispósui testaméntum elécto meo,{x}
iurávi David servo meo:
{v}5{/v}Usque in ætérnum confirmábo semen tuum{x}
et ædificábo in generatiónem et generatiónem sedem tuam».
{v}6{/v}Confitebúntur cæli mirabília tua, Dómine,{x}
étenim veritátem tuam in ecclésia sanctórum.
{v}7{/v}Quóniam quis in núbibus æquábitur Dómino,{x}
símilis erit Dómino in fíliis Dei?
{v}8{/v}Deus, metuéndus in consílio sanctórum,{x}
magnus et terríbilis super omnes, qui in circúitu eius sunt.
{v}9{/v}Dómine Deus virtútum, quis símilis tibi?{x}
Potens es, Dómine, et véritas tua in circúitu tuo.
{v}10{/v}Tu domináris supérbiæ maris,{x}
elatiónes flúctuum eius tu mítigas.
{v}11{/v}Tu conculcásti sicut vulnerátum Rahab,{x}
in bráchio virtútis tuæ dispersísti inimícos tuos.
{v}12{/v}Tui sunt cæli, et tua est terra,{x}
orbem terræ et plenitúdinem eius tu fundásti.
{v}13{/v}Aquilónem et austrum tu creásti,{x}
Thabor et Hermon in nómine tuo exsultábunt.
{v}14{/v}Tibi bráchium cum poténtia;{x}
firma est manus tua, et exaltáta déxtera tua.
{v}15{/v}Iustítia et iudícium firmaméntum sedis tuæ.{x}
Misericórdia et véritas præcédent fáciem tuam.
{v}16{/v}Beátus pópulus, qui scit iubilatiónem.{x}
Dómine, in lúmine vultus tui ambulábunt
{v}17{/v}et in nómine tuo exsultábunt tota die{x}
et in iustítia tua exaltabúntur,
{v}18{/v}quóniam decor virtútis eórum tu es,{x}
et in beneplácito tuo exaltábitur cornu nostrum.
{v}19{/v}Quia Dómini est scutum nostrum,{x}
et Sancti Israel rex noster.
{v}20{/v}Tunc locútus es in visióne sanctis tuis et dixísti:{+}
«Pósui adiutórium in poténte{x}
et exaltávi eléctum de plebe.
{v}21{/v}Invéni David servum meum;{x}
óleo sancto meo unxi eum.
{v}22{/v}Manus enim mea firma erit cum eo,{x}
et bráchium meum confortábit eum.
{v}23{/v}Nihil profíciet inimícus in eo,{x}
et fílius iniquitátis non ópprimet eum.
{v}24{/v}Et concídam a fácie ipsíus inimícos eius{x}
et odiéntes eum percútiam.
{v}25{/v}Et véritas mea et misericórdia mea cum ipso,{x}
et in nómine meo exaltábitur cornu eius.
{v}26{/v}Et ponam super mare manum eius{x}
et super flúmina déxteram eius.
{v}27{/v}Ipse invocábit me: “Pater meus es tu,{x}
Deus meus et refúgium salútis meæ”.
{v}28{/v}Et ego primogénitum ponam illum,{x}
excélsum præ régibus terræ.
{v}29{/v}In ætérnum servábo illi misericórdiam meam{x}
et testaméntum meum fidéle ipsi.
{v}30{/v}Et ponam in sǽculum sǽculi semen eius{x}
et thronum eius sicut dies cæli».
{v}31{/v}«Si autem derelíquerint fílii eius legem meam{x}
et in iudíciis meis non ambuláverint,
{v}32{/v}si iustificatiónes meas profanáverint{x}
et mandáta mea non custodíerint,
{v}33{/v}visitábo in virga delíctum eórum{x}
et in verbéribus iniquitátem eórum.
{v}34{/v}Misericórdiam autem meam non avértam ab eo,{x}
neque méntiar in veritáte mea.
{v}35{/v}Non profanábo testaméntum meum{x}
et, quæ procédunt de lábiis meis, non fáciam írrita.
{v}36{/v}Semel iurávi in sancto meo:{x}
David non méntiar.
{v}37{/v}Semen eius in ætérnum manébit,{x}
et thronus eius sicut sol in conspéctu meo
{v}38{/v}et sicut luna firmus stabit in ætérnum{x}
et testis in cælo fidélis».
IV
{v}39{/v}Tu vero reppulísti et reiecísti,{x}
irátus es contra christum tuum;
{v}40{/v}evertísti testaméntum servi tui,{x}
profanásti in terram diadéma eius.
{v}41{/v}Destruxísti omnes muros eius,{x}
posuísti munitiónes eius in ruínas.
{v}42{/v}Diripuérunt eum omnes transeúntes viam,{x}
factus est oppróbrium vicínis suis.
{v}43{/v}Exaltásti déxteram depriméntium eum,{x}
lætificásti omnes inimícos eius.
{v}44{/v}Avertísti áciem gládii eius{x}
et non es auxiliátus ei in bello.
{v}45{/v}Finem posuísti splendóri eius{x}
et sedem eius in terram collisísti.
{v}46{/v}Minorásti dies iuventútis eius,{x}
perfudísti eum confusióne.
V
{v}47{/v}Usquequo, Dómine, abscondéris in finem,{x}
exardéscet sicut ignis ira tua?
{v}48{/v}Memoráre, quam brevis mea substántia.{x}
Ad quam vanitátem creásti omnes fílios hóminum?
{v}49{/v}Quis est homo, qui vivet et non vidébit mortem,{x}
éruet ánimam suam de manu ínferi?
{v}50{/v}Ubi sunt misericórdiæ tuæ antíquæ, Dómine,{x}
sicut iurásti David in veritáte tua?
{v}51{/v}Memor esto, Dómine, oppróbrii servórum tuórum,{x}
quod contínui in sinu meo, multárum géntium,
{v}52{/v}quo exprobravérunt inimíci tui, Dómine,{x}
quo exprobravérunt vestígia christi tui.
{v}53{/v}Benedíctus Dóminus in ætérnum.{x}
Fiat, fiat.
HTML © Juraj Vidéky