{v}2{/v}Complacuísti tibi, Dómine, in terra tua,{x}

convertísti captivitátem Iacob.

{v}3{/v}Remisísti iniquitátem plebis tuæ,{x}

operuísti ómnia peccáta eórum.

{v}4{/v}Contraxísti omnem iram tuam,{x}

revertísti a furóre indignatiónis tuæ.

{v}5{/v}Convérte nos, Deus, salutáris noster,{x}

et avérte iram tuam a nobis.

{v}6{/v}Numquid in ætérnum irascéris nobis{x}

aut exténdes iram tuam a generatióne in generatiónem?

{v}7{/v}Nonne tu convérsus vivificábis nos,{x}

et plebs tua lætábitur in te?

{v}8{/v}Osténde nobis, Dómine, misericórdiam tuam{x}

et salutáre tuum da nobis.

{v}9{/v}Audiam, quid loquátur Dóminus Deus,{+}

quóniam loquétur pacem ad plebem suam et sanctos suos{x}

et ad eos, qui convertúntur corde.

{v}10{/v}Vere prope timéntes eum salutáre ipsíus,{x}

ut inhábitet glória in terra nostra.

{v}11{/v}Misericórdia et véritas obviavérunt sibi,{x}

iustítia et pax osculátæ sunt.

{v}12{/v}Véritas de terra orta est,{x}

et iustítia de cælo prospéxit.

{v}13{/v}Etenim Dóminus dabit benignitátem,{x}

et terra nostra dabit fructum suum.

{v}14{/v}Iustítia ante eum ambulábit,{x}

et ponet in via gressus suos.

HTML © Juraj Vidéky