{v}2{/v}Qui pascis Israel, inténde,{x}
qui dedúcis velut ovem Ioseph.
Qui sedes super chérubim, effúlge{x}
{v}3{/v}coram Ephraim, Béniamin et Manásse.
Excita poténtiam tuam et veni,{x}
ut salvos fácias nos.
{v}4{/v}Deus, convérte nos,{x}
illústra fáciem tuam, et salvi érimus.
{v}5{/v}Dómine Deus virtútum,{x}
quoúsque irascéris super oratiónem pópuli tui?
{v}6{/v}Cibásti nos pane lacrimárum{x}
et potum dedísti nobis in lácrimis copióse.
{v}7{/v}Posuísti nos in contradictiónem vicínis nostris,{x}
et inimíci nostri subsannavérunt nos.
{v}8{/v}Deus virtútum, convérte nos,{x}
illústra fáciem tuam, et salvi érimus.
{v}9{/v}Víneam de Ægýpto transtulísti,{x}
eiecísti gentes et plantásti eam.
{v}10{/v}Purgásti locum in conspéctu eius,{x}
plantásti radíces eius, et implévit terram.
{v}11{/v}Opérti sunt montes umbra eius{x}
et ramis eius cedri Dei;
{v}12{/v}exténdit pálmites suos usque ad mare{x}
et usque ad Flumen propágines suas.
{v}13{/v}Ut quid destruxísti macériam eius,{x}
et vindémiant eam omnes, qui prætergrediúntur viam?
{v}14{/v}Exterminávit eam aper de silva,{x}
et singuláris ferus depástus est eam.
{v}15{/v}Deus virtútum, convértere,{x}
réspice de cælo et vide et vísita víneam istam.
{v}16{/v}Et prótege eam, quam plantávit déxtera tua,{x}
et super fílium hóminis, quem confirmásti tibi.
{v}17{/v}Incénsa est igni et suffóssa;{x}
ab increpatióne vultus tui períbunt.
{v}18{/v}Fiat manus tua super virum déxteræ tuæ,{x}
super fílium hóminis, quem confirmásti tibi.
{v}19{/v}Et non discedémus a te, vivificábis nos,{x}
et nomen tuum invocábimus.
{v}20{/v}Dómine Deus virtútum, convérte nos{x}
et illústra fáciem tuam, et salvi érimus.
HTML © Juraj Vidéky