{v}2{/v}Voce mea ad Dóminum clamávi;{x}

voce mea ad Deum, et inténdit mihi.

{v}3{/v}In die tribulatiónis meæ Deum exquisívi,{+}

manus meæ nocte expánsæ sunt{x}

et non fatigántur.

Rénuit consolári ánima mea;{+}

{v}4{/v}memor sum Dei et ingemísco,{x}

exérceor, et déficit spíritus meus.

{v}5{/v}Vígiles tenuísti pálpebras óculi mei;{x}

turbátus sum et non sum locútus.

{v}6{/v}Cogitávi dies antíquos{x}

et annos ætérnos in mente hábui.

{v}7{/v}Meditátus sum nocte cum corde meo{x}

et exercitábar, et scopébam spíritum meum.

{v}8{/v}Numquid in ætérnum proíciet Deus,{x}

aut non appónet ut complacítior sit adhuc?

{v}9{/v}Aut defíciet in finem misericórdia sua,{x}

cessábit verbum a generatióne in generatiónem?

{v}10{/v}Aut obliviscétur miseréri Deus,{x}

aut continébit in ira sua misericórdias suas?

{v}11{/v}Et dixi: «Hoc vulnus meum,{x}

mutátio déxteræ Excélsi».

{v}12{/v}Memor ero óperum Dómini,{x}

memor ero ab inítio mirabílium tuórum.

{v}13{/v}Et meditábor in ómnibus opéribus tuis{x}

et in adinventiónibus tuis exercébor.

{v}14{/v}Deus, in sancto via tua;{x}

quis deus magnus sicut Deus noster?

{v}15{/v}Tu es Deus, qui facis mirabília,{x}

notam fecísti in pópulis virtútem tuam.

{v}16{/v}Redemísti in bráchio tuo pópulum tuum,{x}

fílios Iacob et Ioseph.

{v}17{/v}Vidérunt te aquæ, Deus,{+}

vidérunt te aquæ et doluérunt;{x}

étenim commótæ sunt abýssi.

{v}18{/v}Effudérunt aquas núbila,{+}

vocem dedérunt nubes,{x}

étenim sagíttæ tuæ tránseunt.

{v}19{/v}Vox tonítrui tui in rota;{+}

illuxérunt coruscatiónes tuæ orbi terræ,{x}

commóta est et contrémuit terra.

{v}20{/v}In mari via tua et sémitæ tuæ in aquis multis;{x}

et vestígia tua non cognoscúntur.

{v}21{/v}Deduxísti sicut oves pópulum tuum{x}

in manu Móysi et Aaron.

HTML © Juraj Vidéky