{v}2{/v}Confitébimur tibi, Deus;{+}
confitébimur et invocábimus nomen tuum:{x}
narrábimus mirabília tua.
{v}3{/v}Cum statúero tempus,{x}
ego iustítias iudicábo.
{v}4{/v}Si liquefácta est terra et omnes, qui hábitant in ea,{x}
ego confirmávi colúmnas eius.
{v}5{/v}Dixi gloriántibus: «Nolíte gloriári!»{x}
et delinquéntibus: «Nolíte exaltáre cornu!
{v}6{/v}Nolíte exaltáre in altum cornu vestrum;{x}
nolíte loqui advérsus Deum protérva».
{v}7{/v}Quia neque ab oriénte neque ab occidénte{x}
neque a desértis exaltátio.
{v}8{/v}Quóniam Deus iudex est:{x}
hunc humíliat et hunc exáltat.
{v}9{/v}Quia calix in manu Dómini{x}
vini meri plenus misto.
Et inclinávit ex hoc in hoc;{+}
verúmtamen usque ad fæces epotábunt,{x}
bibent omnes peccatóres terræ.
{v}10{/v}Ego autem annuntiábo in sǽculum,{x}
cantábo Deo Iacob.
{v}11{/v}Et ómnia córnua peccatórum confríngam,{x}
et exaltabúntur córnua iusti.
HTML © Juraj Vidéky