{v}1{/v}Quam bonus rectis est Deus,{x}
Deus his, qui mundo sunt corde!
{v}2{/v}Mei autem pæne moti sunt pedes,{x}
pæne effúsi sunt gressus mei,
{v}3{/v}quia zelávi super gloriántes,{x}
pacem peccatórum videns.
{v}4{/v}Quia non sunt eis impediménta,{x}
sanus et pinguis est venter eórum.
{v}5{/v}In labóre mortálium non sunt{x}
et cum homínibus non flagellántur.
{v}6{/v}Ideo quasi torques est eis supérbia,{x}
et tamquam induméntum opéruit eos violéntia.
{v}7{/v}Prodit quasi ex ádipe iníquitas eórum,{x}
erúmpunt cogitatiónes cordis.
{v}8{/v}Subsannavérunt et locúti sunt nequítiam,{x}
iniquitátem ab excélso locúti sunt.
{v}9{/v}Posuérunt in cælo os suum,{x}
et lingua eórum transívit in terra.
{v}10{/v}Ideo in alto sedent,{x}
et aquæ plenæ non pervénient ad eos.
{v}11{/v}Et dixérunt: «Quómodo scit Deus,{x}
et si est sciéntia in Excélso?».
{v}12{/v}Ecce ipsi peccatóres et abundántes in sǽculo{x}
multiplicavérunt divítias.
{v}13{/v}Et dixi: «Ergo sine causa mundávi cor meum{x}
et lavi in innocéntia manus meas;
{v}14{/v}et fui flagellátus tota die,{x}
et castigátio mea in matutínis».
{v}15{/v}Si dixíssem: «Loquar ut illi»,{x}
ecce generatiónem filiórum tuórum prodidíssem.
{v}16{/v}Et cogitábam, ut cognóscerem hoc;{x}
labor erat in óculis meis,
{v}17{/v}donec intrávi in sanctuárium Dei{x}
et intelléxi novíssima eórum.
{v}18{/v}Verúmtamen in lúbrico posuísti eos,{x}
deiecísti eos in ruínas.
{v}19{/v}Quómodo facti sunt in desolatiónem!{x}
Súbito defecérunt, periérunt præ horróre.
{v}20{/v}Velut sómnium evigilántis, Dómine,{x}
surgens imáginem ipsórum contémnes.
{v}21{/v}Quia exacerbátum est cor meum,{x}
et renes mei compúncti sunt;
{v}22{/v}et ego insípiens factus sum et nescívi:{x}
ut iuméntum factus sum apud te.
{v}23{/v}Ego autem semper tecum;{x}
tenuísti manum déxteram meam.
{v}24{/v}In consílio tuo dedúces me{x}
et póstea cum glória suscípies me.
{v}25{/v}Quis enim mihi est in cælo?{x}
Et tecum nihil vólui super terram.
{v}26{/v}Defécit caro mea et cor meum;{x}
Deus cordis mei, et pars mea Deus in ætérnum.
{v}27{/v}Quia ecce, qui elóngant se a te, períbunt,{x}
perdidísti omnes, qui fornicántur abs te.
{v}28{/v}Mihi autem adhærére Deo bonum est,{x}
pónere in Dómino Deo spem meam,
ut annúntiem omnes operatiónes tuas{x}
in portis fíliæ Sion.
HTML © Juraj Vidéky