{v}1{/v}In te, Dómine, sperávi,{x}
non confúndar in ætérnum.
{v}2{/v}In iustítia tua líbera me et éripe me;{x}
inclína ad me aurem tuam et salva me.
{v}3{/v}Esto mihi in rupem præsídii et in domum munítam,{x}
ut salvum me fácias,
quóniam fortitúdo mea{x}
et refúgium meum es tu.
{v}4{/v}Deus meus, éripe me de manu peccatóris{x}
et de manu contra legem agéntis et iníqui.
{v}5{/v}Quóniam tu es exspectátio mea, Dómine;{x}
Dómine, spes mea a iuventúte mea.
{v}6{/v}Super te inníxus sum ex útero,{+}
de ventre matris meæ tu es suscéptor meus;{x}
in te laus mea semper.
{v}7{/v}Tamquam prodígium factus sum multis,{x}
et tu adiútor fortis.
{v}8{/v}Repleátur os meum laude tua,{x}
tota die magnitúdine tua.
{v}9{/v}Ne proícias me in témpore senectútis;{x}
cum defécerit virtus mea, ne derelínquas me.
{v}10{/v}Quia dixérunt inimíci mei mihi,{+}
et, qui observábant ánimam meam,{x}
consílium fecérunt in unum
{v}11{/v}dicéntes: «Deus derelíquit eum!{+}
Persequímini et comprehéndite eum,{x}
quia non est qui erípiat».
{v}12{/v}Deus, ne elongéris a me;{x}
Deus meus, in auxílium meum festína.
{v}13{/v}Confundántur et defíciant adversántes ánimæ meæ;{x}
operiántur confusióne et pudóre, qui quærunt mala mihi.
{v}14{/v}Ego autem semper sperábo{x}
et adíciam super omnem laudem tuam.
{v}15{/v}Os meum annuntiábit iustítiam tuam,{+}
tota die salutáre tuum:{x}
quæ dinumeráre nescívi.
{v}16{/v}Véniam ad poténtias Dómini;{x}
Dómine, memorábor iustítiæ tuæ solíus.
{v}17{/v}Deus, docuísti me a iuventúte mea;{x}
et usque nunc annuntiábo mirabília tua.
{v}18{/v}Et usque in senéctam et sénium,{x}
Deus, ne derelínquas me,
donec annúntiem bráchium tuum{x}
generatióni omni, quæ ventúra est.
Poténtia tua {v}19{/v}et iustítia tua, Deus,{+}
usque in altíssima, qui fecísti magnália:{x}
Deus, quis símilis tibi?
{v}20{/v}Quantas ostendísti mihi tribulatiónes multas et malas;{+}
íterum vivificásti me{x}
et de abýssis terræ íterum reduxísti me.
{v}21{/v}Multiplicábis magnitúdinem meam{x}
et convérsus consoláberis me.
{v}22{/v}Nam et ego confitébor tibi,{+}
in psaltério veritátem tuam, Deus meus;{x}
psallam tibi in cíthara, Sanctus Israel.
{v}23{/v}Exsultábunt lábia mea, cum cantávero tibi,{x}
et ánima mea, quam redemísti;
{v}24{/v}sed et lingua mea tota die meditábitur iustítiam tuam,{x}
cum confúsi et revériti fúerint, qui quærunt mala mihi.
HTML © Juraj Vidéky