{v}2{/v}Dómine Deus meus, in te sperávi;{x}

salvum me fac ex ómnibus persequéntibus me et líbera me,

{v}3{/v}ne quando rápiat ut leo ánimam meam{x}

discérpens, dum non est qui salvum fáciat.

{v}4{/v}Dómine Deus meus, si feci istud,{x}

si est iníquitas in mánibus meis,

{v}5{/v}si réddidi retribuénti mihi mala{x}

et exspoliávi inimícum meum dimíttens inánem,

{v}6{/v}persequátur inimícus ánimam meam et comprehéndat{+}

et concúlcet in terra vitam meam{x}

et glóriam meam in púlverem dedúcat.

{v}7{/v}Exsúrge, Dómine, in ira tua{x}

et exaltáre contra indignatiónem inimicórum meórum

et exsúrge, Deus meus,{x}

in iudício, quod mandásti.

{v}8{/v}Et synagóga populórum circúmdabit te,{+}

et super hanc in altum regrédere:{x}

{v}9{/v}Dóminus iúdicat pópulos.

Iúdica me, Dómine, secúndum iustítiam meam{x}

et secúndum innocéntiam meam, quæ est in me.

{v}10{/v}Consumátur nequítia peccatórum;{+}

et iustum confírma,{x}

scrutans corda et renes Deus iustus.

{v}11{/v}Adiutórium meum apud Deum,{x}

qui salvos facit rectos corde.

{v}12{/v}Deus iudex iustus,{x}

fortis, iráscens per síngulos dies.

{v}13{/v}Nonne íterum gládium suum exácuit,{x}

arcum suum teténdit et parávit illum?

{v}14{/v}Et parávit sibi vasa mortis,{x}

sagíttas suas ardéntes effécit.

{v}15{/v}Ecce partúriit iniustítiam,{x}

concépit dolórem et péperit iniquitátem;

{v}16{/v}lacum apéruit et effódit eum{x}

et íncidit in fóveam, quam fecit.

{v}17{/v}Convertétur dolor eius in caput eius,{x}

et in vérticem ipsíus iníquitas eius descéndet.

{v}18{/v}Confitébor Dómino secúndum iustítiam eius{x}

et psallam nómini Dómini Altíssimi.

HTML © Juraj Vidéky