{v}2{/v}Salvum me fac, Deus,{x}
quóniam venérunt aquæ usque ad guttur meum.
{v}3{/v}Infíxus sum in limo profúndi, et non est substántia;{x}
veni in profúnda aquárum, et fluctus demérsit me.
{v}4{/v}Laborávi clamans, raucæ factæ sunt fauces meæ;{x}
defecérunt óculi mei, dum spero in Deum meum.
{v}5{/v}Multiplicáti sunt super capíllos cápitis mei,{x}
qui odérunt me gratis.
Confortáti sunt, qui persecúti sunt me inimíci mei mendáces;{x}
quæ non rápui, tunc exsolvébam.
{v}6{/v}Deus, tu scis insipiéntiam meam,{x}
et delícta mea a te non sunt abscóndita.
{v}7{/v}Non erubéscant in me, qui exspéctant te,{x}
Dómine, Dómine virtútum.
Non confundántur super me,{x}
qui quærunt te, Deus Israel.
{v}8{/v}Quóniam propter te sustínui oppróbrium,{x}
opéruit confúsio fáciem meam;
{v}9{/v}extráneus factus sum frátribus meis{x}
et peregrínus fíliis matris meæ.
{v}10{/v}Quóniam zelus domus tuæ comédit me,{x}
et oppróbria exprobrántium tibi cecidérunt super me.
{v}11{/v}Et flevi in ieiúnio ánimam meam,{x}
et factum est in oppróbrium mihi.
{v}12{/v}Et pósui vestiméntum meum cilícium,{x}
et factus sum illis in parábolam.
{v}13{/v}Advérsum me loquebántur, qui sedébant in porta,{x}
et in me canébant, qui bibébant vinum.
{v}14{/v}Ego vero oratiónem meam ad te, Dómine,{x}
in témpore benepláciti, Deus.
In multitúdine misericórdiæ tuæ exáudi me,{x}
in veritáte salútis tuæ.
{v}15{/v}Eripe me de luto, ut non infígar,{+}
erípiar ab iis, qui odérunt me,{x}
et de profúndis aquárum.
{v}16{/v}Non me demérgat fluctus aquárum,{+}
neque absórbeat me profúndum,{x}
neque úrgeat super me púteus os suum.
{v}17{/v}Exáudi me, Dómine, quóniam benígna est misericórdia tua;{x}
secúndum multitúdinem miseratiónum tuárum réspice in me.
{v}18{/v}Et ne avértas fáciem tuam a púero tuo;{x}
quóniam tríbulor, velóciter exáudi me.
{v}19{/v}Accéde ad ánimam meam, víndica eam,{x}
propter inimícos meos rédime me.
{v}20{/v}Tu scis oppróbrium meum{x}
et confusiónem meam et reveréntiam meam.
In conspéctu tuo sunt omnes, qui tríbulant me;{x}
{v}21{/v}oppróbrium contrívit cor meum, et elángui.
Et sustínui, qui simul contristarétur, et non fuit,{x}
et qui consolarétur, et non invéni.
{v}22{/v}Et dedérunt in escam meam fel,{x}
et in siti mea potavérunt me acéto.
{full-text}[{v}23{/v}Fiat mensa eórum coram ipsis in láqueum{x}
et in retributiónes et in scándalum.
{v}24{/v}Obscuréntur óculi eórum, ne vídeant,{x}
et lumbos eórum semper infírma.
{v}25{/v}Effúnde super eos iram tuam,{x}
et furor iræ tuæ comprehéndat eos.
{v}26{/v}Fiat commorátio eórum desérta,{x}
et in tabernáculis eórum non sit qui inhábitet.
{v}27{/v}Quóniam, quem tu percussísti, persecúti sunt,{x}
et super dolórem eius, quem vulnerásti, addidérunt.
{v}28{/v}Appóne iniquitátem super iniquitátem eórum,{x}
et non véniant ad iustítiam tuam.
{v}29{/v}Deleántur de libro vivéntium{x}
et cum iustis non scribántur.]
{/full-text}{v}30{/v}Ego autem sum pauper et dolens;{x}
salus tua, Deus, súscipit me.
{v}31{/v}Laudábo nomen Dei cum cántico{x}
et magnificábo eum in laude.
{v}32{/v}Et placébit Dómino super taurum,{x}
super vítulum córnua producéntem et úngulas.
{v}33{/v}Vídeant húmiles et læténtur;{x}
quǽrite Deum, et vivet cor vestrum,
{v}34{/v}quóniam exaudívit páuperes Dóminus{x}
et vinctos suos non despéxit.
{v}35{/v}Laudent illum cæli et terra,{x}
mária et ómnia reptília in eis.
{v}36{/v}Quóniam Deus salvam fáciet Sion{+}
et ædificábit civitátes Iudæ;{x}
et inhabitábunt ibi et possidébunt eam.
{v}37{/v}Et semen servórum eius hereditábunt eam{x}
et, qui díligunt nomen eius, habitábunt in ea.
HTML © Juraj Vidéky