{v}2{/v}Te decet hymnus, Deus, in Sion;{x}

et tibi reddétur votum in Ierúsalem.

{v}3{/v}Qui audis oratiónem,{x}

ad te omnis caro véniet propter iniquitátem.

{v}4{/v}Etsi prævaluérunt super nos impietátes nostræ,{x}

tu propitiáberis eis.

{v}5{/v}Beátus, quem elegísti et assumpsísti;{x}

inhabitábit in átriis tuis.

Replébimur bonis domus tuæ,{x}

sanctitáte templi tui.

{v}6{/v}Mirabíliter in æquitáte exáudies nos, Deus salútis nostræ,{x}

spes ómnium fínium terræ et maris longínqui.

{v}7{/v}Firmans montes in virtúte tua,{x}

accínctus poténtia.

{v}8{/v}Compéscens sónitum maris, sónitum flúctuum eius{x}

et tumúltum populórum.

{v}9{/v}Et timébunt, qui hábitant términos terræ, a signis tuis;{x}

éxitus oriéntis et occidéntis delectábis.

{v}10{/v}Visitásti terram et inebriásti eam;{x}

multiplicásti locupletáre eam.

Flumen Dei replétum est aquis;{+}

parásti fruménta illórum,{x}

quóniam ita parásti eam.

{v}11{/v}Sulcos eius írrigans, glebas eius complánans;{x}

ímbribus emóllis eam, benedícis gérmini eius.

{v}12{/v}Coronásti annum benignitáte tua,{x}

et vestígia tua stillábunt pinguédinem.

{v}13{/v}Stillábunt páscua desérti,{x}

et exsultatióne colles accingéntur.

{v}14{/v}Indúta sunt óvibus prata,{+}

et valles abundábunt fruménto;{x}

clamábunt, étenim hymnum dicent.

HTML © Juraj Vidéky