{v}2{/v}Deus, Deus meus es tu,{x}
ad te de luce vígilo.
Sitívit in te ánima mea,{x}
te desiderávit caro mea.
In terra desérta et árida et inaquósa,{+}
{v}3{/v}sic in sancto appárui tibi,{x}
ut vidérem virtútem tuam et glóriam tuam.
{v}4{/v}Quóniam mélior est misericórdia tua super vitas,{x}
lábia mea laudábunt te.
{v}5{/v}Sic benedícam te in vita mea{x}
et in nómine tuo levábo manus meas.
{v}6{/v}Sicut ádipe et pinguédine repleátur ánima mea,{x}
et lábiis exsultatiónis laudábit os meum.
{v}7{/v}Cum memor ero tui super stratum meum,{x}
in matutínis meditábor de te,
{v}8{/v}quia fuísti adiútor meus,{x}
et in velaménto alárum tuárum exsultábo.
{v}9{/v}Adhǽsit ánima mea post te,{x}
me suscépit déxtera tua.
{full-text}[{v}10{/v}Ipsi vero in ruínam quæsiérunt ánimam meam,{x}
introíbunt in inferióra terræ,
{v}11{/v}tradéntur in potestátem gládii,{x}
partes vúlpium erunt.
{v}12{/v}Rex vero lætábitur in Deo;{+}
gloriabúntur omnes, qui iurant in eo,{x}
quia obstrúctum est os loquéntium iníqua.]
{/full-text}HTML © Juraj Vidéky