{v}2{/v}In Deo tantum quiésce, ánima mea,{x}

ab ipso enim salutáre meum.

{v}3{/v}Verúmtamen ipse refúgium meum et salutáre meum,{x}

præsídium meum, non movébor ámplius.

{v}4{/v}Quoúsque irrúitis in hóminem,{+}

contúnditis univérsi vos{x}

tamquam paríetem inclinátum et macériam depúlsam?

{v}5{/v}Verúmtamen de excélso suo cogitavérunt depéllere;{+}

delectabántur mendácio.{x}

Ore suo benedicébant et corde suo maledicébant.

{v}6{/v}In Deo tantum quiésce, ánima mea,{x}

quóniam ab ipso patiéntia mea.

{v}7{/v}Verúmtamen ipse Deus meus et salutáre meum,{x}

præsídium meum, non movébor.

{v}8{/v}In Deo salutáre meum et glória mea;{x}

Deus fortitúdinis meæ, et refúgium meum in Deo est.

{v}9{/v}Speráte in eo, omnis congregátio pópuli,{+}

effúndite coram illo corda vestra;{x}

Deus refúgium nobis.

{v}10{/v}Verúmtamen vánitas fílii Adam,{x}

mendácium fílii hóminum.

In statéram si conscéndant,{x}

super fumum leves sunt omnes.

{v}11{/v}Nolíte speráre in violéntia{+}

et in rapína nolíte décipi;{x}

divítiæ si áffluant, nolíte cor appónere.

{v}12{/v}Semel locútus est Deus,{x}

duo hæc audívi:

quia potéstas Deo est,{+}

{v}13{/v}et tibi, Dómine, misericórdia;{x}

quia tu reddes unicuíque iuxta ópera sua.

HTML © Juraj Vidéky