{v}2{/v}Exáudi, Deus, deprecatiónem meam,{x}

inténde oratióni meæ.

{v}3{/v}A fínibus terræ ad te clamávi,{+}

dum anxiarétur cor meum.{x}

In petram inaccéssam mihi deduc me!

{v}4{/v}Quia factus es spes mea,{x}

turris fortitúdinis a fácie inimíci.

{v}5{/v}Inhabitábo in tabernáculo tuo in sǽcula,{x}

prótegar in velaménto alárum tuárum,

{v}6{/v}quóniam tu, Deus meus, exaudísti vota mea,{x}

dedísti hereditátem timéntium nomen tuum.

{v}7{/v}Dies super dies regis adícies,{x}

annos eius usque in diem generatiónis et generatiónis.

{v}8{/v}Sédeat in ætérnum in conspéctu Dei;{x}

misericórdia et véritas servent eum.

{v}9{/v}Sic psalmum dicam nómini tuo in sǽculum sǽculi,{x}

ut reddam vota mea de die in diem.

HTML © Juraj Vidéky