{v}2{/v}Dómine, ne in furóre tuo árguas me,{x}

neque in ira tua corrípias me.

{v}3{/v}Miserére mei, Dómine, quóniam infírmus sum;{x}

sana me, Dómine, quóniam conturbáta sunt ossa mea.

{v}4{/v}Et ánima mea turbáta est valde,{x}

sed tu, Dómine, úsquequo?

{v}5{/v}Convértere, Dómine, éripe ánimam meam;{x}

salvum me fac propter misericórdiam tuam.

{v}6{/v}Quóniam non est in morte, qui memor sit tui,{x}

in inférno autem quis confitébitur tibi?

{v}7{/v}Laborávi in gémitu meo,{+}

lavábam per síngulas noctes lectum meum;{x}

lácrimis meis stratum meum rigábam.

{v}8{/v}Turbátus est a mæróre óculus meus,{x}

inveterávi inter omnes inimícos meos.

{v}9{/v}Discédite a me omnes, qui operámini iniquitátem,{x}

quóniam exaudívit Dóminus vocem fletus mei.

{v}10{/v}Exaudívit Dóminus deprecatiónem meam,{x}

Dóminus oratiónem meam suscépit.

{v}11{/v}Erubéscant et conturbéntur veheménter omnes inimíci mei;{x}

convertántur et erubéscant valde velóciter.

HTML © Juraj Vidéky