{v}2{/v}Miserére mei, Deus, miserére mei,{x}
quóniam in te cónfugit ánima mea;
et in umbra alárum tuárum confúgiam,{x}
donec tránseant insídiæ.
{v}3{/v}Clamábo ad Deum Altíssimum,{x}
Deum, qui benefécit mihi.
{v}4{/v}Mittet de cælo et liberábit me;{+}
dabit in oppróbrium conculcántes me.{x}
Mittet Deus misericórdiam suam et veritátem suam.
{v}5{/v}Anima mea recúmbit in médio catulórum leónum{x}
devorántium fílios hóminum.
Dentes eórum arma et sagíttæ{x}
et lingua eórum gládius acútus.
{v}6{/v}Exaltáre super cælos, Deus,{x}
super omnem terram glória tua.
{v}7{/v}Láqueum paravérunt pédibus meis,{x}
et incurvávit se ánima mea;
fodérunt ante fáciem meam fóveam,{x}
et ipsi incidérunt in eam.
{v}8{/v}Parátum cor meum, Deus,{+}
parátum cor meum;{x}
{v}9{/v}cantábo et psalmum dicam.
Exsúrge, glória mea,{+}
exsúrge, psaltérium et cíthara,{x}
excitábo auróram.
{v}10{/v}Confitébor tibi in pópulis, Dómine,{x}
et psalmum dicam tibi in natiónibus,
{v}11{/v}quóniam magnificáta est usque ad cælos misericórdia tua{x}
et usque ad nubes véritas tua.
{v}12{/v}Exaltáre super cælos, Deus,{x}
super omnem terram glória tua.
HTML © Juraj Vidéky