{v}2{/v}Miserére mei, Deus, quóniam conculcávit me homo,{x}

tota die impúgnans oppréssit me.

{v}3{/v}Conculcavérunt me inimíci mei tota die,{x}

quóniam multi pugnant advérsum me, Altíssime.

{v}4{/v}In quacúmque die timébo,{x}

ego in te sperábo.

{v}5{/v}In Deo, cuius laudábo sermónem,{+}

in Deo sperávi;{x}

non timébo: quid fáciet mihi caro?

{v}6{/v}Tota die rem meam perturbábant,{x}

advérsum me omnes cogitatiónes eórum in malum.

{v}7{/v}Concitábant iúrgia, insidiabántur,{x}

ipsi calcáneum meum observábant.

[Sicut quæsiérunt ánimam meam,{+}

{v}8{/v}ita pro iniquitáte retríbue illis,{x}

in ira pópulos prostérne, Deus.]

{v}9{/v}Peregrinatiónes meas tu numerásti:{+}

pone lácrimas meas in utre tuo;{x}

nonne in supputatióne tua?

{v}10{/v}Tunc converténtur inimíci mei retrórsum,{+}

in quacúmque die invocávero:{x}

ecce cognóvi quóniam Deus meus es.

{v}11{/v}In Deo, cuius laudábo sermónem,{x}

in Dómino, cuius laudábo sermónem,

{v}12{/v}in Deo sperávi;{x}

non timébo: quid fáciet mihi homo?

{v}13{/v}Super me sunt, Deus, vota tua;{x}

reddam laudatiónes tibi,

{v}14{/v}quóniam eripuísti ánimam meam de morte{+}

et pedes meos de lapsu,{x}

ut ámbulem coram Deo in lúmine vivéntium.

HTML © Juraj Vidéky