{v}2{/v}Auribus pércipe, Deus, oratiónem meam{+}

et ne abscondáris a deprecatióne mea;{x}

{v}3{/v}inténde mihi et exáudi me.

Excússus sum in meditatióne mea et conturbátus sum{x}

{v}4{/v}a voce inimíci et a tribulatióne peccatóris.

Quóniam devolvérunt in me iniquitátem{x}

et in ira molésti erant mihi.

{v}5{/v}Cor meum torquétur intra me,{x}

et formído mortis cécidit super me.

{v}6{/v}Timor et tremor venérunt super me,{x}

et contéxit me pavor.

{v}7{/v}Et dixi: «Quis dabit mihi pennas sicut colúmbæ,{x}

et volábo et requiéscam?

{v}8{/v}Ecce elongábo fúgiens{x}

et manébo in solitúdine.

{v}9{/v}Exspectábo eum, qui salvum me fáciat{x}

a spíritu procéllæ et tempestáte».

{v}10{/v}Díssipa, Dómine, dívide linguas eórum,{x}

quóniam vidi violéntiam et contentiónem in civitáte.

{v}11{/v}Die ac nocte circúmeunt eam super muros eius,{+}

{v}12{/v}iníquitas et labor et insídiæ in médio eius;{x}

et non defécit de platéis eius frauduléntia et dolus.

{v}13{/v}Quóniam si inimícus meus maledixísset mihi,{x}

sustinuíssem útique;

et si is, qui óderat me, super me magnificátus fuísset,{x}

abscondíssem me fórsitan ab eo.

{v}14{/v}Tu vero, homo coæquális meus,{x}

familiáris meus et notus meus,

{v}15{/v}qui simul habúimus dulce consórtium:{x}

in domo Dei ambulávimus in concúrsu.

{/full-text-soft} {full-text}

{/full-text-soft} {full-text-soft} [{v}16{/v}Véniat mors super illos,{x}

et descéndant in inférnum vivéntes,

quóniam nequítiæ in habitáculis eórum,{x}

{/full-text-soft} {full-text-soft}

{/full-text-soft} {full-text-soft} in médio eórum.]

{v}17{/v}Ego autem ad Deum clamábo,{x}

et Dóminus salvábit me.

{v}18{/v}Véspere et mane et merídie meditábor et ingemíscam,{x}

et exáudiet vocem meam.

{v}19{/v}Rédimet in pace ánimam meam ab his, qui impúgnant me,{x}

quóniam in multis sunt advérsum me.

{v}20{/v}Exáudiet Deus et humiliábit illos,{x}

qui est ante sǽcula.

Non enim est illis commutátio,{x}

et non timuérunt Deum.

{v}21{/v}Exténdit manum suam in sócios;{x}

contaminávit fœdus suum.

{v}22{/v}Lene super butýrum est os eius,{x}

pugna autem cor illíus:

mollíti sunt sermónes eius super óleum,{x}

et ipsi sunt gládii destrícti.

{v}23{/v}Iacta super Dóminum curam tuam,{+}

et ipse te enútriet;{x}

non dabit in ætérnum fluctuatiónem iusto.

{v}24{/v}Tu vero, Deus, dedúces eos{x}

in púteum intéritus.

Viri sánguinum et dolósi non dimidiábunt dies suos;{x}

ego autem sperábo in te, Dómine.

HTML © Juraj Vidéky