{v}3{/v}Miserére mei, Deus,{x}
secúndum misericórdiam tuam;
et secúndum multitúdinem miseratiónum tuárum{x}
dele iniquitátem meam.
{v}4{/v}Amplius lava me ab iniquitáte mea{x}
et a peccáto meo munda me.
{v}5{/v}Quóniam iniquitátem meam ego cognósco,{x}
et peccátum meum contra me est semper.
{v}6{/v}Tibi, tibi soli peccávi{x}
et malum coram te feci,
ut iustus inveniáris in senténtia tua{x}
et æquus in iudício tuo.
{v}7{/v}Ecce enim in iniquitáte generátus sum,{x}
et in peccáto concépit me mater mea.
{v}8{/v}Ecce enim veritátem in corde dilexísti{x}
et in occúlto sapiéntiam manifestásti mihi.
{v}9{/v}Aspérges me hyssópo, et mundábor;{x}
lavábis me, et super nivem dealbábor.
{v}10{/v}Audíre me fácies gáudium et lætítiam,{x}
et exsultábunt ossa, quæ contrivísti.
{v}11{/v}Avérte fáciem tuam a peccátis meis{x}
et omnes iniquitátes meas dele.
{v}12{/v}Cor mundum crea in me, Deus,{x}
et spíritum firmum ínnova in viscéribus meis.
{v}13{/v}Ne proícias me a fácie tua{x}
et spíritum sanctum tuum ne áuferas a me.
{v}14{/v}Redde mihi lætítiam salutáris tui{x}
et spíritu promptíssimo confírma me.
{v}15{/v}Docébo iníquos vias tuas,{x}
et ímpii ad te converténtur.
{v}16{/v}Líbera me de sanguínibus, Deus, Deus salútis meæ,{x}
et exsultábit lingua mea iustítiam tuam.
{v}17{/v}Dómine, lábia mea apéries,{x}
et os meum annuntiábit laudem tuam.
{v}18{/v}Non enim sacrifício delectáris,{x}
holocáustum, si ófferam, non placébit.
{v}19{/v}Sacrifícium Deo spíritus contribulátus,{x}
cor contrítum et humiliátum, Deus, non despícies.
{v}20{/v}Benígne fac, Dómine, in bona voluntáte tua Sion,{x}
ut ædificéntur muri Ierúsalem.
{v}21{/v}Tunc acceptábis sacrifícium iustítiæ, oblatiónes et holocáusta;{x}
tunc impónent super altáre tuum vítulos.
HTML © Juraj Vidéky