{v}1{/v}Deus deórum Dóminus locútus est{x}
et vocávit terram a solis ortu usque ad occásum.
{v}2{/v}Ex Sion speciósa decóre Deus illúxit,{x}
{v}3{/v}Deus noster véniet et non silébit:
ignis consúmens est in conspéctu eius{x}
et in circúitu eius tempéstas válida.
{v}4{/v}Advocábit cælum desúrsum{x}
et terram discérnere pópulum suum:
{v}5{/v}«Congregáte mihi sanctos meos,{x}
qui disposuérunt testaméntum meum in sacrifício».
{v}6{/v}Et annuntiábunt cæli iustítiam eius,{x}
quóniam Deus iudex est.
{v}7{/v}«Audi, pópulus meus, et loquar;{+}
Israel, et testificábor advérsum te:{x}
Deus, Deus tuus ego sum.
{v}8{/v}Non in sacrifíciis tuis árguam te;{x}
holocáusta enim tua in conspéctu meo sunt semper.
{v}9{/v}Non accípiam de domo tua vítulos,{x}
neque de grégibus tuis hircos.
{v}10{/v}Quóniam meæ sunt omnes feræ silvárum,{x}
iumentórum mille in móntibus.
{v}11{/v}Cognóvi ómnia volatília cæli,{x}
et, quod movétur in agro, meum est.
{v}12{/v}Si esuríero non dicam tibi;{x}
meus est enim orbis terræ et plenitúdo eius.
{v}13{/v}Numquid manducábo carnes taurórum{x}
aut sánguinem hircórum potábo?
{v}14{/v}Immola Deo sacrifícium laudis{x}
et redde Altíssimo vota tua;
{v}15{/v}et ínvoca me in die tribulatiónis:{x}
éruam te, et honorificábis me».
{v}16{/v}Peccatóri autem dixit Deus:{+}
«Quare tu enárras præcépta mea{x}
et assúmis testaméntum meum in os tuum?
{v}17{/v}Tu vero odísti disciplínam{x}
et proiecísti sermónes meos retrórsum.
{v}18{/v}Si vidébas furem, currébas cum eo;{x}
et cum adúlteris erat pórtio tua.
{v}19{/v}Os tuum dimittébas ad malítiam,{x}
et lingua tua concinnábat dolos.
{v}20{/v}Sedens advérsus fratrem tuum loquebáris{x}
et advérsus fílium matris tuæ proferébas oppróbrium.
{v}21{/v}Hæc fecísti, et tácui.{+}
Existimásti quod eram tui símilis.{x}
Arguam te et státuam illa contra fáciem tuam.
{v}22{/v}Intellégite hæc, qui obliviscímini Deum,{x}
nequándo rápiam, et non sit qui erípiat.
{v}23{/v}Qui immolábit sacrifícium laudis, honorificábit me,{x}
et, qui immaculátus est in via,
osténdam illi salutáre Dei».
HTML © Juraj Vidéky