{v}2{/v}Audíte hæc, omnes gentes,{x}
áuribus percípite, omnes, qui habitátis orbem:
{v}3{/v}quique húmiles et viri nóbiles,{x}
simul in unum dives et pauper!
{v}4{/v}Os meum loquétur sapiéntiam{x}
et meditátio cordis mei prudéntiam.
{v}5{/v}Inclinábo in parábolam aurem meam,{x}
apériam in psaltério ænígma meum.
{v}6{/v}Cur timébo in diébus malis,{x}
cum iníquitas supplantántium circúmdabit me?
{v}7{/v}Qui confídunt in virtúte sua{x}
et in multitúdine divitiárum suárum gloriántur.
{v}8{/v}Etenim seípsum non rédimet homo;{x}
non dabit Deo propitiatiónem suam.
{v}9{/v}Nímium est prétium redemptiónis ánimæ eius:{+}
ad últimum defíciet,{x}
{v}10{/v}ut vivat usque in finem, nec vídeat intéritum.
{v}11{/v}Et vidébit sapiéntes moriéntes;{+}
simul insípiens et stultus períbunt{x}
et relínquent aliénis divítias suas.
{v}12{/v}Sepúlcra eórum domus illórum in ætérnum;{+}
tabernácula eórum in progéniem et progéniem,{x}
etsi vocavérunt nomínibus suis terras suas.
{v}13{/v}Et homo, cum sit in honóre, non permanébit;{+}
comparátus est iuméntis, quæ péreunt,{x}
et símilis factus est illis.
{v}14{/v}Hæc via illórum, quorum fidúcia in semetípsis,{x}
et finis eórum, qui cómplacent in ore suo.
{v}15{/v}Sicut oves in inférno pósiti sunt,{x}
mors depáscet eos;
descéndent præcípites ad sepúlcrum,{+}
et figúra eórum erit in consumptiónem:{x}
inférnus habitáculum eórum.
{v}16{/v}Verúmtamen Deus rédimet ánimam meam,{x}
de manu ínferi vere suscípiet me.
{v}17{/v}Ne timúeris, cum dives factus fúerit homo{x}
et cum multiplicáta fúerit glória domus eius,
{v}18{/v}quóniam, cum interíerit, non sumet ómnia,{x}
neque descéndet cum eo glória eius.
{v}19{/v}Cum ánimæ suæ in vita ipsíus benedíxerit:{x}
«Laudábunt te quod benefecísti tibi»,
{v}20{/v}tamen introíbit ad progéniem patrum suórum,{x}
qui in ætérnum non vidébunt lumen.
{v}21{/v}Homo, cum in honóre esset, non intelléxit;{+}
comparátus est iuméntis, quæ péreunt,{x}
et símilis factus est illis.
HTML © Juraj Vidéky