{v}2{/v}Deus est nobis refúgium et virtus,{x}
adiutórium in tribulatiónibus invéntus est nimis.
{v}3{/v}Proptérea non timébimus, dum turbábitur terra,{x}
et transferéntur montes in cor maris.
{v}4{/v}Fremant et intuméscant aquæ eius,{x}
conturbéntur montes in elatióne eius.
{v}5{/v}Flúminis rivi lætíficant civitátem Dei,{x}
sancta tabernácula Altíssimi.
{v}6{/v}Deus in médio eius, non commovébitur;{x}
adiuvábit eam Deus mane dilúculo.
{v}7{/v}Fremuérunt gentes, commóta sunt regna;{x}
dedit vocem suam, liquefácta est terra.
{v}8{/v}Dóminus virtútum nobíscum,{x}
refúgium nobis Deus Iacob.
{v}9{/v}Veníte et vidéte ópera Dómini,{x}
quæ pósuit prodígia super terram.
Auferet bella usque ad finem terræ,{+}
{v}10{/v}arcum cónteret et confrínget arma{x}
et scuta combúret igne.
{v}11{/v}Vacáte et vidéte quóniam ego sum Deus:{x}
exaltábor in géntibus et exaltábor in terra.
{v}12{/v}Dóminus virtútum nobíscum,{x}
refúgium nobis Deus Iacob.
HTML © Juraj Vidéky