{v}2{/v}Eructávit cor meum verbum bonum,{+}
dico ego ópera mea regi.{x}
Lingua mea cálamus scribæ velóciter scribéntis.
{v}3{/v}Speciósus forma es præ fíliis hóminum,{+}
diffúsa est grátia in lábiis tuis,{x}
proptérea benedíxit te Deus in ætérnum.
{v}4{/v}Accíngere gládio tuo super femur tuum, potentíssime,{x}
magnificéntia tua et ornátu tuo.
{v}5{/v}Et ornátu tuo procéde, currum ascénde{x}
propter veritátem et mansuetúdinem et iustítiam.
Et dóceat te mirabília déxtera tua:{+}
{v}6{/v}sagíttæ tuæ acútæ — pópuli sub te cadent_—{x}
in corda inimicórum regis.
{v}7{/v}Sedes tua, Deus, in sǽculum sǽculi;{x}
sceptrum æquitátis sceptrum regni tui.
{v}8{/v}Dilexísti iustítiam et odísti iniquitátem,{+}
proptérea unxit te Deus, Deus tuus,{x}
óleo lætítiæ præ consórtibus tuis.
{v}9{/v}Myrrha et áloe et cásia ómnia vestiménta tua;{x}
e dómibus ebúrneis chordæ deléctant te.
{v}10{/v}Fíliæ regum in pretiósis tuis;{x}
ástitit regína a dextris tuis ornáta auro ex Ophir.
{v}11{/v}Audi, fília, et vide,{+}
et inclína aurem tuam{x}
et oblivíscere pópulum tuum et domum patris tui;
{v}12{/v}et concupíscet rex spéciem tuam.{x}
Quóniam ipse est dóminus tuus, et adóra eum.
{v}13{/v}Fília Tyri cum munéribus;{x}
vultum tuum deprecabúntur dívites plebis.
{v}14{/v}Gloriósa nimis fília regis intrínsecus,{x}
textúris áureis circumamícta.
{v}15{/v}In véstibus variegátis adducétur regi;{x}
vírgines post eam, próximæ eius, afferúntur tibi.
{v}16{/v}Afferúntur in lætítia et exsultatióne,{x}
adducúntur in domum regis.
{v}17{/v}Pro pátribus tuis erunt tibi fílii;{x}
constítues eos príncipes super omnem terram.
{v}18{/v}Memor ero nóminis tui{x}
in omni generatióne et generatióne;
proptérea pópuli confitebúntur tibi in ætérnum{x}
et in sǽculum sǽculi.
HTML © Juraj Vidéky