{v}2{/v}Deus, áuribus nostris audívimus;{+}
patres nostri annuntiavérunt nobis{x}
opus, quod operátus es in diébus eórum, in diébus antíquis.
{v}3{/v}Tu manu tua gentes depulísti et plantásti illos,{x}
afflixísti pópulos et dilatásti eos.
{v}4{/v}Nec enim in gládio suo possedérunt terram,{x}
et bráchium eórum non salvávit eos;
sed déxtera tua et bráchium tuum et illuminátio vultus tui,{x}
quóniam complacuísti in eis.
{v}5{/v}Tu es rex meus et Deus meus,{x}
qui mandas salútes Iacob.
{v}6{/v}In te inimícos nostros proiécimus,{x}
et in nómine tuo conculcávimus insurgéntes in nos.
{v}7{/v}Non enim in arcu meo sperábo,{x}
et gládius meus non salvábit me.
{v}8{/v}Tu autem salvásti nos de affligéntibus nos{x}
et odiéntes nos confudísti.
{v}9{/v}In Deo gloriábimur tota die{x}
et in nómine tuo confitébimur in sǽculum.
{v}10{/v}Nunc autem reppulísti et confudísti nos{x}
et non egrediéris, Deus, cum virtútibus nostris.
{v}11{/v}Convertísti nos retrórsum coram inimícis nostris,{x}
et, qui odérunt nos, diripuérunt sibi.
{v}12{/v}Dedísti nos tamquam oves ad vescéndum{x}
et in géntibus dispersísti nos.
{v}13{/v}Vendidísti pópulum tuum sine lucro,{x}
nec dítior factus es in commutatióne eórum.
{v}14{/v}Posuísti nos oppróbrium vicínis nostris,{x}
subsannatiónem et derísum his, qui sunt in circúitu nostro.
{v}15{/v}Posuísti nos similitúdinem in géntibus,{x}
commotiónem cápitis in pópulis.
{v}16{/v}Tota die verecúndia mea contra me est,{x}
et confúsio faciéi meæ coopéruit me
{v}17{/v}a voce exprobrántis et obloquéntis,{x}
a fácie inimíci et ultóris.
{v}18{/v}Hæc ómnia venérunt super nos,{+}
nec oblíti sumus te;{x}
et iníque non égimus in testaméntum tuum.
{v}19{/v}Et non recéssit retro cor nostrum,{x}
nec declinavérunt gressus nostri a via tua;
{v}20{/v}sed humiliásti nos in loco vúlpium{x}
et operuísti nos umbra mortis.
{v}21{/v}Si oblíti fuérimus nomen Dei nostri{x}
et si expandérimus manus nostras ad deum aliénum,
{v}22{/v}nonne Deus requíret ista?{x}
Ipse enim novit abscóndita cordis.
{v}23{/v}Quóniam propter te mortificámur tota die,{x}
æstimáti sumus sicut oves occisiónis.
{v}24{/v}Evígila quare obdórmis, Dómine?{x}
Exsúrge et ne repéllas in finem.
{v}25{/v}Quare fáciem tuam avértis,{x}
oblivísceris inópiæ nostræ et tribulatiónis nostræ?
{v}26{/v}Quóniam humiliáta est in púlvere ánima nostra,{x}
conglutinátus est in terra venter noster.
Exsúrge, Dómine, ádiuva nos{x}
et rédime nos propter misericórdiam tuam.
HTML © Juraj Vidéky