{v}2{/v}Quemádmodum desíderat cervus ad fontes aquárum,{x}
ita desíderat ánima mea ad te, Deus.
{v}3{/v}Sitívit ánima mea ad Deum, Deum vivum;{x}
quando véniam et apparébo ante fáciem Dei?
{v}4{/v}Fuérunt mihi lácrimæ meæ panis die ac nocte,{x}
dum dícitur mihi cotídie: «Ubi est Deus tuus?».
{v}5{/v}Hæc recordátus sum et effúdi in me ánimam meam;{+}
quóniam transíbam in locum tabernáculi admirábilis{x}
usque ad domum Dei,
in voce exsultatiónis et confessiónis,{x}
multitúdinis festa celebrántis.
{v}6{/v}Quare tristis es, ánima mea,{x}
et quare conturbáris in me?
Spera in Deo, quóniam adhuc confitébor illi,{x}
salutáre vultus mei et Deus meus.
{v}7{/v}In meípso ánima mea contristáta est;{+}
proptérea memor ero tui{x}
de terra Iordánis et Hermónim, de monte Misar.
{v}8{/v}Abýssus abýssum ínvocat in voce cataractárum tuárum;{x}
omnes gúrgites tui et fluctus tui super me transiérunt.
{v}9{/v}In die mandávit Dóminus misericórdiam suam,{+}
et nocte cánticum eius apud me est:{x}
orátio ad Deum vitæ meæ.
{v}10{/v}Dicam Deo:{x}
«Suscéptor meus es.
Quare oblítus es mei,{+}
et quare contristátus incédo,{x}
dum afflígit me inimícus?».
{v}11{/v}Dum confringúntur ossa mea,{+}
exprobravérunt mihi, qui tríbulant me,{x}
dum dicunt mihi cotídie: «Ubi est Deus tuus?».
{v}12{/v}Quare tristis es, ánima mea,{x}
et quare conturbáris in me?
Spera in Deo, quóniam adhuc confitébor illi,{x}
salutáre vultus mei et Deus meus.
HTML © Juraj Vidéky