Beátus, qui intéllegit de egéno,{x}
in die mala liberábit eum Dóminus.
Dóminus servábit eum et vivificábit eum{+}
et beátum fáciet eum in terra{x}
et non tradet eum in ánimam inimicórum eius.
Dóminus opem feret illi super lectum dolóris eius;{x}
univérsum stratum eius versábis in infirmitáte eius.
Ego dixi: «Dómine, miserére mei;{x}
sana ánimam meam, quia peccávi tibi».
Inimíci mei dixérunt mala mihi:{x}
«Quando moriétur, et períbit nomen eius?».
Et si ingrediebátur, ut visitáret, vana loquebátur;{+}
cor eius congregábat iniquitátem sibi,{x}
egrediebátur foras et detrahébat.
Simul advérsum me susurrábant omnes inimíci mei;{x}
advérsum me cogitábant mala mihi:
«Malefícium effúsum est in eo;{x}
et, qui decúmbit, non adíciet ut resúrgat».
Sed et homo pacis meæ, in quo sperávi,{x}
qui edébat panem meum, levávit contra me calcáneum.
Tu autem, Dómine, miserére mei{x}
et resúscita me, et retríbuam eis.
In hoc cognóvi quóniam voluísti me,{x}
quia non gaudébit inimícus meus super me;
me autem propter innocéntiam suscepísti{x}
et statuísti me in conspéctu tuo in ætérnum.
Benedíctus Dóminus Deus Israel{x}
a sǽculo et usque in sǽculum. Fiat, fiat.
HTML © Juraj Vidéky