{v}2{/v}Exspéctans exspectávi Dóminum,{x}
et inténdit mihi.
{v}3{/v}Et exaudívit clamórem meum{x}
et edúxit me de lacu misériæ et de luto fæcis;
et státuit super petram pedes meos{x}
et firmávit gressus meos.
{v}4{/v}Et immísit in os meum cánticum novum,{x}
carmen Deo nostro.
Vidébunt multi et timébunt{x}
et sperábunt in Dómino.
{v}5{/v}Beátus vir, qui pósuit Dóminum spem suam{x}
et non respéxit supérbos et declinántes in mendácium.
{v}6{/v}Multa fecísti tu, Dómine Deus meus, mirabília tua,{+}
et cogitatiónes tuas pro nobis:{x}
non est qui símilis sit tibi.
Si nuntiáre et éloqui volúero,{x}
multiplicabúntur super númerum.
{v}7{/v}Sacrifícium et oblatiónem noluísti,{x}
aures autem fodísti mihi.
Holocáustum et pro peccáto non postulásti,{x}
{v}8{/v}tunc dixi: «Ecce vénio.
In volúmine libri scriptum est de me.{x}
{v}9{/v}Fácere voluntátem tuam,
Deus meus, vólui;{x}
et lex tua in præcórdiis meis».
{v}10{/v}Annuntiávi iustítiam tuam in ecclésia magna;{x}
ecce lábia mea non prohibébo, Dómine, tu scisti.
{v}11{/v}Iustítiam tuam non abscóndi in corde meo,{x}
veritátem tuam et salutáre tuum dixi.
Non abscóndi misericórdiam tuam{x}
et veritátem tuam ab ecclésia magna.
{v}12{/v}Tu autem, Dómine, ne prohíbeas miseratiónes tuas a me;{x}
misericórdia tua et véritas tua semper suscípiant me,
{v}13{/v}quóniam circumdedérunt me mala, quorum non est númerus;{+}
comprehendérunt me iniquitátes meæ,{x}
et non pótui vidére.
Multiplicáta sunt super capíllos cápitis mei,{x}
et cor meum derelíquit me.
{v}14{/v}Compláceat tibi, Dómine, ut éruas me;{x}
Dómine, ad adiuvándum me festína.
{full-text}[{v}15{/v}Confundántur et revereántur simul,{x}
qui quærunt ánimam meam, ut áuferant eam.
Avertántur retrórsum et erubéscant,{x}
qui volunt mihi mala.
{v}16{/v}Obstupéscant propter confusiónem suam,{x}
qui dicunt mihi: «Euge, euge».“]
{/full-text}{v}17{/v}Exsúltent et læténtur in te omnes quæréntes te{x}
et dicant semper: «Magnificétur Dóminus», qui díligunt salutáre tuum.
{v}18{/v}Ego autem egénus et pauper sum;{x}
Dóminus sollícitus est mei.
Adiútor meus et liberátor meus tu es;{x}
Deus meus, ne tardáveris.
HTML © Juraj Vidéky