{v}2{/v}Dómine, ne in furóre tuo árguas me,{x}
neque in ira tua corrípias me,
{v}3{/v}quóniam sagíttæ tuæ infíxæ sunt mihi,{x}
et descéndit super me manus tua.
{v}4{/v}Non est sánitas in carne mea a fácie indignatiónis tuæ,{x}
non est pax óssibus meis a fácie peccatórum meórum.
{v}5{/v}Quóniam iniquitátes meæ supergréssæ sunt caput meum{x}
et sicut onus grave gravant me nimis.
{v}6{/v}Putruérunt et corrúpti sunt livóres mei{x}
a fácie insipiéntiæ meæ.
{v}7{/v}Inclinátus sum et incurvátus nimis;{x}
tota die contristátus ingrediébar.
{v}8{/v}Quóniam lumbi mei impléti sunt ardóribus,{x}
et non est sánitas in carne mea.
{v}9{/v}Afflíctus sum et humiliátus sum nimis,{x}
rugiébam a gémitu cordis mei.
{v}10{/v}Dómine, ante te omne desidérium meum,{x}
et gémitus meus a te non est abscónditus.
{v}11{/v}Palpitávit cor meum, derelíquit me virtus mea,{x}
et lumen oculórum meórum, et ipsum non est mecum.
{v}12{/v}Amíci mei et próximi mei procul a plaga mea stetérunt,{x}
et propínqui mei de longe stetérunt.
{v}13{/v}Et láqueos posuérunt, qui quærébant ánimam meam,{+}
et, qui requirébant mala mihi, locúti sunt insídias{x}
et dolos tota die meditabántur.
{v}14{/v}Ego autem tamquam surdus non audiébam{x}
et sicut mutus non apériens os suum;
{v}15{/v}et factus sum sicut homo non áudiens{x}
et non habens in ore suo redargutiónes.
{v}16{/v}Quóniam in te, Dómine, sperávi,{x}
tu exáudies, Dómine Deus meus.
{v}17{/v}Quia dixi: «Nequándo supergáudeant mihi;{x}
dum commovéntur pedes mei, magnificántur super me».
{v}18{/v}Quóniam ego in lapsum parátus sum,{x}
et dolor meus in conspéctu meo semper.
{v}19{/v}Quóniam iniquitátem meam annuntiábo{x}
et sollícitus sum de peccáto meo.
{v}20{/v}Inimíci autem mei vivunt et confirmáti sunt,{x}
et multiplicáti sunt, qui odérunt me iníque.
{v}21{/v}Retribuéntes mala pro bonis detrahébant mihi{x}
pro eo quod sequébar bonitátem.
{v}22{/v}Ne derelínquas me, Dómine;{x}
Deus meus, ne discésseris a me.
{v}23{/v}Festína in adiutórium meum,{x}
Dómine, salus mea.
HTML © Juraj Vidéky