{v}1{/v}Iúdica, Dómine, iudicántes me;{x}
impúgna impugnántes me.
{v}2{/v}Apprehénde clípeum et scutum{+}
et exsúrge in adiutórium mihi.{x}
{full-text}[{v}3{/v}Effúnde frámeam et secúrim
advérsus eos, qui persequúntur me.]
{/full-text}{v}3c{/v}Dic ánimæ meæ: «Salus tua ego sum».
{full-text}[{v}4{/v}Confundántur et revereántur{x}
quæréntes ánimam meam;
avertántur retrórsum et confundántur{x}
cogitántes mihi mala.
{v}5{/v}Fiant tamquam pulvis ante ventum,{x}
et ángelus Dómini impéllens eos;
{v}6{/v}fiat via illórum ténebræ et lúbricum,{x}
et ángelus Dómini perséquens eos.
{v}7{/v}Quóniam gratis abscondérunt mihi láqueum suum,{x}
gratis fodérunt fóveam ánimæ meæ.
{v}8{/v}Véniat illi calámitas, quam ignórat,{+}
et cáptio, quam abscóndit, apprehéndat eum,{x}
et in eándem calamitátem ipse cadat.]
{/full-text}{v}9{/v}Anima autem mea exsultábit in Dómino{x}
et delectábitur super salutári suo.
{v}10{/v}Omnia ossa mea dicent:{x}
«Dómine, quis símilis tibi?
Erípiens ínopem de manu fortiórum eius,{x}
egénum et páuperem a diripiéntibus eum».
{v}11{/v}Surgéntes testes iníqui,{x}
quæ ignorábam, interrogábant me;
{v}12{/v}retribuébant mihi mala pro bonis,{x}
desolátio est ánimæ meæ.
{v}13{/v}Ego autem, cum infirmaréntur,{x}
induébar cilício,
humiliábam in ieiúnio ánimam meam,{x}
et orátio mea in sinu meo convertebátur.
{v}14{/v}Quasi pro próximo et quasi pro fratre meo ambulábam,{x}
quasi lugens matrem contristátus incurvábar.
{v}15{/v}Cum autem vacillárem, lætáti sunt et convenérunt;{x}
convenérunt contra me percutiéntes, et ignorávi.
{v}16{/v}Diripuérunt et non desistébant;{+}
tentavérunt me, subsannavérunt me subsannatióne,{x}
frenduérunt super me déntibus suis.
{v}17{/v}Dómine, quámdiu aspícies?{+}
Restítue ánimam meam a malignitáte eórum,{x}
a leónibus únicam meam.
{v}18{/v}Confitébor tibi in ecclésia magna,{x}
in pópulo multo laudábo te.
{v}19{/v}Non supergáudeant mihi inimíci mei mendáces,{x}
qui odérunt me gratis et ánnuunt óculis.
{full-text}[{v}20{/v}Etenim non pacífice loquebántur{x}
et contra mansuétos terræ dolos cogitábant.
{v}21{/v}Et dilatavérunt super me os suum;{x}
dixérunt: «Euge, euge, vidérunt óculi nostri».]
{/full-text}{v}22{/v}Vidísti, Dómine, ne síleas;{x}
Dómine, ne discédas a me.
{v}23{/v}Exsúrge et evígila ad iudícium meum,{x}
Deus meus et Dóminus meus, ad causam meam.
{full-text}[{v}24{/v}Iúdica me secúndum iustítiam tuam, Dómine Deus meus,{x}
et non supergáudeant mihi.
{v}25{/v}Non dicant in córdibus suis:{+}
«Euge ánimæ nostræ».{x}
nec dicant: «Devorávimus eum».
Erubéscant et revereántur simul,{x}
qui gratulántur malis meis;
induántur confusióne et reveréntia,{x}
qui magna loquúntur super me.]
{/full-text}{v}27{/v}Exsúltent et læténtur, qui volunt iustítiam meam,{x}
et dicant semper: «Magnificétur Dóminus, qui vult pacem servi sui».
{v}28{/v}Et lingua mea meditábitur iustítiam tuam,{x}
tota die laudem tuam.
HTML © Juraj Vidéky