{v}2{/v}Benedícam Dóminum in omni témpore,{x}
semper laus eius in ore meo.
{v}3{/v}In Dómino gloriábitur ánima mea,{x}
áudiant mansuéti et læténtur.
{v}4{/v}Magnificáte Dóminum mecum,{x}
et exaltémus nomen eius in idípsum.
{v}5{/v}Exquisívi Dóminum, et exaudívit me{x}
et ex ómnibus terróribus meis erípuit me.
{v}6{/v}Respícite ad eum, et illuminámini{x}
et fácies vestræ non confundéntur.
{v}7{/v}Iste pauper clamávit,{+}
et Dóminus exaudívit eum{x}
et de ómnibus tribulatiónibus eius salvávit eum.
{v}8{/v}Vallábit ángelus Dómini in circúitu timéntes eum{x}
et erípiet eos.
{v}9{/v}Gustáte et vidéte quóniam suávis est Dóminus;{x}
beátus vir, qui sperat in eo.
{v}10{/v}Timéte Dóminum, sancti eius,{x}
quóniam non est inópia timéntibus eum.
{v}11{/v}Dívites eguérunt et esuriérunt,{x}
inquiréntes autem Dóminum non defícient omni bono.
{v}12{/v}Veníte, fílii, audíte me:{x}
timórem Dómini docébo vos.
{v}13{/v}Quis est homo, qui vult vitam,{x}
díligit dies, ut vídeat bonum?
{v}14{/v}Próhibe linguam tuam a malo,{x}
et lábia tua ne loquántur dolum.
{v}15{/v}Divérte a malo et fac bonum,{x}
inquíre pacem et perséquere eam.
{v}16{/v}Oculi Dómini super iustos,{x}
et aures eius in clamórem eórum.
{v}17{/v}Vultus autem Dómini super faciéntes mala,{x}
ut perdat de terra memóriam eórum.
{v}18{/v}Clamavérunt, et Dóminus exaudívit{x}
et ex ómnibus tribulatiónibus eórum liberávit eos.
{v}19{/v}Iuxta est Dóminus iis, qui contríto sunt corde,{x}
et confráctos spíritu salvábit.
{v}20{/v}Multæ tribulatiónes iustórum,{x}
et de ómnibus his liberábit eos Dóminus.
{v}21{/v}Custódit ómnia ossa eórum,{x}
unum ex his non conterétur.
{v}22{/v}Interfíciet peccatórem malítia,{x}
et, qui odérunt iustum, puniéntur.
{v}23{/v}Rédimet Dóminus ánimas servórum suórum,{x}
et non puniéntur omnes, qui sperant in eo.
HTML © Juraj Vidéky