{v}1{/v}Exsultáte, iusti, in Dómino;{x}
rectos decet collaudátio.
{v}2{/v}Confitémini Dómino in cíthara,{x}
in psaltério decem chordárum psállite illi.
{v}3{/v}Cantáte ei cánticum novum,{x}
bene psállite ei in vociferatióne,
{v}4{/v}quia rectum est verbum Dómini,{x}
et ómnia ópera eius in fide.
{v}5{/v}Díligit iustítiam et iudícium;{x}
misericórdia Dómini plena est terra.
{v}6{/v}Verbo Dómini cæli facti sunt,{x}
et spíritu oris eius omnis virtus eórum.
{v}7{/v}Cóngregans sicut in utre aquas maris,{x}
ponens in thesáuris abýssos.
{v}8{/v}Tímeat Dóminum omnis terra,{x}
a fácie autem eius formídent omnes inhabitántes orbem.
{v}9{/v}Quóniam ipse dixit, et facta sunt,{x}
ipse mandávit, et creáta sunt.
{v}10{/v}Dóminus díssipat consília géntium,{x}
írritas facit cogitatiónes populórum.
{v}11{/v}Consílium autem Dómini in ætérnum manet,{x}
cogitatiónes cordis eius in generatióne et generatiónem.
{v}12{/v}Beáta gens, cui Dóminus est Deus,{x}
pópulus, quem elégit in hereditátem sibi.
{v}13{/v}De cælo respéxit Dóminus,{x}
vidit omnes fílios hóminum.
{v}14{/v}De loco habitáculi sui respéxit{x}
super omnes, qui hábitant terram,
{v}15{/v}qui finxit singillátim corda eórum,{x}
qui intéllegit ómnia ópera eórum.
{v}16{/v}Non salvátur rex per multam virtútem,{x}
et gigas non liberábitur in multitúdine virtútis suæ.
{v}17{/v}Fallax equus ad salútem,{x}
in abundántia autem virtútis suæ non salvábit.
{v}18{/v}Ecce óculi Dómini super metuéntes eum,{x}
in eos, qui sperant super misericórdia eius,
{v}19{/v}ut éruat a morte ánimas eórum{x}
et alat eos in fame.
{v}20{/v}Anima nostra sústinet Dóminum,{x}
quóniam adiútor et protéctor noster est;
{v}21{/v}quia in eo lætábitur cor nostrum,{x}
et in nómine sancto eius sperávimus.
{v}22{/v}Fiat misericórdia tua, Dómine, super nos,{x}
quemádmodum sperávimus in te.
HTML © Juraj Vidéky