{v}2{/v}In te, Dómine, sperávi, non confúndar in ætérnum;{x}
in iustítia tua líbera me.
{v}3{/v}Inclína ad me aurem tuam,{x}
accélera, ut éruas me.
Esto mihi in rupem præsídii et in domum munítam,{x}
ut salvum me fácias.
{v}4{/v}Quóniam fortitúdo mea et refúgium meum es tu{x}
et propter nomen tuum dedúces me et pasces me.
{v}5{/v}Edúces me de láqueo, quem abscondérunt mihi,{x}
quóniam tu es fortitúdo mea.
{v}6{/v}In manus tuas comméndo spíritum meum;{x}
redemísti me, Dómine, Deus veritátis.
{v}7{/v}Odísti observántes vanitátes supervácuas,{x}
ego autem in Dómino sperávi.
{v}8{/v}Exsultábo et lætábor in misericórdia tua,{x}
quóniam respexísti humilitátem meam;
agnovísti necessitátes ánimæ meæ,{+}
{v}9{/v}nec conclusísti me in mánibus inimíci;{x}
statuísti in loco spatióso pedes meos.
{v}10{/v}Miserére mei, Dómine, quóniam tríbulor;{+}
conturbátus est in mæróre óculus meus,{x}
ánima mea et venter meus.
{v}11{/v}Quóniam defécit in dolóre vita mea{x}
et anni mei in gemítibus;
infirmáta est in paupertáte virtus mea,{x}
et ossa mea contabuérunt.
{v}12{/v}Apud omnes inimícos meos factus sum oppróbrium{+}
et vicínis meis valde et timor notis meis:{x}
qui vidébant me foras, fugiébant a me.
{v}13{/v}Oblivióni a corde datus sum tamquam mórtuus;{x}
factus sum tamquam vas pérditum.
{v}14{/v}Quóniam audívi vituperatiónem multórum:{x}
horror in circúitu;
in eo dum convenírent simul advérsum me,{x}
auférre ánimam meam consiliáti sunt.
{v}15{/v}Ego autem in te sperávi, Dómine;{+}
dixi: «Deus meus es tu,{x}
{v}16{/v}in mánibus tuis sortes meæ».
Eripe me de manu inimicórum meórum{x}
et a persequéntibus me;
{v}17{/v}illústra fáciem tuam super servum tuum,{x}
salvum me fac in misericórdia tua.
{full-text}[{v}18{/v}Dómine, non confúndar, quóniam invocávi te;{x}
erubéscant ímpii et obmutéscant in inférno.
{v}19{/v}Muta fiant lábia dolósa,{+}
quæ loquúntur advérsus iustum protérva{x}
in supérbia et in abusióne.]
{/full-text}{v}20{/v}Quam magna multitúdo dulcédinis tuæ, Dómine,{x}
quam abscondísti timéntibus te.
Perfecísti eis, qui sperant in te,{x}
in conspéctu filiórum hóminum.
{v}21{/v}Abscóndes eos in abscóndito faciéi tuæ{x}
a conturbatióne hóminum;
próteges eos in tabernáculo{x}
a contradictióne linguárum.
{v}22{/v}Benedíctus Dóminus,{x}
quóniam mirificávit misericórdiam suam mihi in civitáte muníta.
{v}23{/v}Ego autem dixi in trepidatióne mea:{x}
«Præcísus sum a conspéctu oculórum tuórum».
Verúmtamen exaudísti vocem oratiónis meæ,{x}
dum clamárem ad te.
{v}24{/v}Dilígite Dóminum, omnes sancti eius:{+}
fidéles consérvat Dóminus{x}
et retríbuit abundánter faciéntibus supérbiam.
{v}25{/v}Viríliter ágite, et confortétur cor vestrum,{x}
omnes, qui sperátis in Dómino.
HTML © Juraj Vidéky