{v}2{/v}Exaltábo te, Dómine, quóniam extraxísti me,{x}
nec delectásti inimícos meos super me.
{v}3{/v}Dómine Deus meus, clamávi ad te,{x}
et sanásti me.
{v}4{/v}Dómine, eduxísti ab inférno ánimam meam,{x}
vivificásti me, ut non descénderem in lacum.
{v}5{/v}Psállite Dómino, sancti eius,{x}
et confitémini memóriæ sanctitátis eius,
{v}6{/v}quóniam ad moméntum indignátio eius{x}
et per vitam volúntas eius.
Ad vésperum demorátur fletus,{x}
ad matutínum lætítia.
{v}7{/v}Ego autem dixi in securitáte mea:{x}
«Non movébor in ætérnum».
{v}8{/v}Dómine, in voluntáte tua{x}
præstitísti decóri meo virtútem;
avertísti fáciem tuam a me,{x}
et factus sum conturbátus.
{v}9{/v}Ad te, Dómine, clamábam{x}
et ad Deum meum deprecábar.
{v}10{/v}Quæ utílitas in sánguine meo,{x}
dum descéndo in corruptiónem?
Numquid confitébitur tibi pulvis{x}
aut annuntiábit veritátem tuam?
{v}11{/v}Audívit Dóminus et misértus est mei,{x}
Dóminus factus est adiútor meus.
{v}12{/v}Convertísti planctum meum in choros mihi,{x}
conscidísti saccum meum et accinxísti me lætítia,
{v}13{/v}ut cantet tibi glória mea et non táceat.{x}
Dómine Deus meus, in ætérnum confitébor tibi.
HTML © Juraj Vidéky