{v}1{/v}Afférte Dómino, fílii Dei,{x}
afférte Dómino glóriam et poténtiam,
{v}2{/v}afférte Dómino glóriam nóminis eius,{x}
adoráte Dóminum in splendóre sancto.
{v}3{/v}Vox Dómini super aquas;{+}
Deus maiestátis intónuit,{x}
Dóminus super aquas multas.
{v}4{/v}Vox Dómini in virtúte,{x}
vox Dómini in magnificéntia.
{v}5{/v}Vox Dómini confringéntis cedros;{x}
et confrínget Dóminus cedros Líbani.
{v}6{/v}Et saltáre fáciet, tamquam vítulum, Líbanum,{x}
et Sárion, quemádmodum fílium unicórnium.
{v}7{/v}Vox Dómini intercidéntis flammam ignis,{+}
{v}8{/v}vox Dómini concutiéntis desértum,{x}
et concútiet Dóminus desértum Cades.
{v}9{/v}Vox Dómini properántis partum cervárum,{+}
et denudábit condénsa;{x}
et in templo eius omnes dicent glóriam.
{v}10{/v}Dóminus super dilúvium hábitat,{x}
et sedébit Dóminus rex in ætérnum.
{v}11{/v}Dóminus virtútem pópulo suo dabit,{x}
Dóminus benedícet pópulo suo in pace.
HTML © Juraj Vidéky