{v}1{/v}Ad te, Dómine, clamábo;{x}

Deus meus, ne síleas a me.

Nequándo táceas a me,{x}

et assimilábor descendéntibus in lacum.

{v}2{/v}Exáudi vocem deprecatiónis meæ, dum clamo ad te,{x}

dum extóllo manus meas ad templum sanctum tuum.

{v}3{/v}Ne simul trahas me cum peccatóribus{x}

et cum operántibus iniquitátem.

Qui loquúntur pacem cum próximo suo,{x}

mala autem in córdibus eórum.

[{v}4{/v}Da illis secúndum ópera eórum{x}

et secúndum nequítiam adinventiónum ipsórum.

Secúndum opus mánuum eórum tríbue illis,{x}

redde retributiónem eórum ipsis.

{v}5{/v}Quóniam non intellexérunt opera Dómini{+}

et opus mánuum eius,{x}

déstruet illos et non ædificábit eos.]

{v}6{/v}Benedíctus Dóminus,{+}

quóniam exaudívit vocem deprecatiónis meæ;{x}

{v}7{/v}Dóminus adiútor meus et protéctor meus,

in ipso sperávit cor meum, et adiútus sum,{+}

et exsultávit cor meum,{x}

et in cántico meo confitébor ei.

{v}8{/v}Dóminus fortitúdo plebi suæ{x}

et refúgium salvatiónum christi sui est.

{v}9{/v}Salvum fac pópulum tuum et bénedic hereditáti tuæ{x}

et pasce eos et extólle illos usque in ætérnum.

HTML © Juraj Vidéky