{v}1{/v}Dóminus illuminátio mea et salus mea,{x}
quem timébo?
Dóminus protéctor vitæ meæ,{x}
a quo trepidábo?
{v}2{/v}Dum apprópiant super me nocéntes,{x}
ut edant carnes meas;
qui tríbulant me et inimíci mei,{x}
ipsi infirmáti sunt et cecidérunt.
{v}3{/v}Si consístant advérsum me castra,{x}
non timébit cor meum;
si exsúrgat advérsum me prœ́lium,{x}
in hoc ego sperábo.
{v}4{/v}Unum pétii a Dómino, hoc requíram:{x}
ut inhábitem in domo Dómini ómnibus diébus vitæ meæ,
ut vídeam voluptátem Dómini{x}
et vísitem templum eius.
{v}5{/v}{v}5{/v}Quóniam occultábit me in tentório suo,{x}
in die malórum.
Abscóndet me in abscóndito tabernáculi sui,{x}
in petra exaltábit me.
{v}6{/v}Et nunc exaltátur caput meum{x}
super inimícos meos in circúitu meo.
Immolábo in tabernáculo eius hóstias vociferatiónis,{x}
cantábo et psalmum dicam Dómino.
{v}7{/v}Exáudi, Dómine, vocem meam, qua clamávi,{x}
miserére mei et exáudi me.
{v}8{/v}De te dixit cor meum:{+}
«Exquírite fáciem meam!».{x}
Fáciem tuam, Dómine, exquíram.
{v}9{/v}Ne avértas fáciem tuam a me,{x}
ne declínes in ira a servo tuo.
Adiútor meus es tu, ne me reícias{x}
neque derelínquas me, Deus salútis meæ.
{v}10{/v}Quóniam pater meus et mater mea dereliquérunt me,{x}
Dóminus autem assúmpsit me.
{v}11{/v}Osténde mihi, Dómine, viam tuam{x}
et dírige me in sémitam rectam propter inimícos meos.
{v}12{/v}Ne tradíderis me in ánimam tribulántium me;{+}
quóniam insurrexérunt in me testes iníqui{x}
et qui violéntiam spirant.
{v}13{/v}Credo vidére bona Dómini{x}
in terra vivéntium.
{v}14{/v}Exspécta Dóminum, viríliter age,{x}
et confortétur cor tuum, et sústine Dóminum.
HTML © Juraj Vidéky