{v}1{/v}Iúdica me, Dómine,{+}

quóniam ego in innocéntia mea ingréssus sum{x}

et in Dómino sperans non infirmábor.

{v}2{/v}Proba me, Dómine, et tenta me;{x}

ure renes meos et cor meum.

{v}3{/v}Quóniam misericórdia tua ante óculos meos est,{x}

et ambulávi in veritáte tua.

{v}4{/v}Non sedi cum viris vanitátis{x}

et cum occúlte agéntibus non introíbo.

{v}5{/v}Odívi ecclésiam malignántium{x}

et cum ímpiis non sedébo.

{v}6{/v}Lavábo in innocéntia manus meas{x}

et circúmdabo altáre tuum, Dómine,

{v}7{/v}ut audítas fáciam voces laudis{x}

et enárrem univérsa mirabília tua.

{v}8{/v}Dómine, diléxi habitáculum domus tuæ{x}

et locum habitatiónis glóriæ tuæ.

{v}9{/v}Ne cólligas cum ímpiis ánimam meam{x}

et cum viris sánguinum vitam meam,

{v}10{/v}in quorum mánibus iniquitátes sunt,{x}

déxtera eórum repléta est munéribus.

{v}11{/v}Ego autem in innocéntia mea ingréssus sum,{x}

rédime me et miserére mei.

{v}12{/v}Pes meus stetit in dirécto,{x}

in ecclésiis benedícam Dómino.

HTML © Juraj Vidéky