{v}1{/v}Ad te, Dómine, levávi ánimam meam,{x}
{v}2{/v}Deus meus, in te confído: non erubéscam.
Neque exsúltent super me inimíci mei,{x}
{v}3{/v}étenim univérsi, qui sústinent te, non confundéntur.
Confundántur infidéliter agéntes{x}
propter vanitátem.
{v}4{/v}Vias tuas, Dómine, demónstra mihi{x}
et sémitas tuas édoce me.
{v}5{/v}Dírige me in veritáte tua et doce me,{+}
quia tu es Deus salútis meæ,{x}
et te sustínui tota die.
{v}6{/v}Reminíscere miseratiónum tuárum, Dómine,{x}
et misericordiárum tuárum, quóniam a sǽculo sunt.
{v}7{/v}Peccáta iuventútis meæ et delícta mea ne memíneris;{+}
secúndum misericórdiam tuam meménto mei tu,{x}
propter bonitátem tuam, Dómine.
{v}8{/v}Dulcis et rectus Dóminus,{x}
propter hoc peccatóres viam docébit;
{v}9{/v}díriget mansuétos in iudício,{x}
docébit mites vias suas.
{v}10{/v}Univérsæ viæ Dómini misericórdia et véritas{x}
custodiéntibus testaméntum eius et testimónia eius.
{v}11{/v}Propter nomen tuum, Dómine, propitiáberis peccáto meo:{x}
multum est enim.
{v}12{/v}Quis est homo, qui timet Dóminum?{x}
Docébit eum viam, quam éligat.
{v}13{/v}Anima eius in bonis demorábitur,{x}
et semen eius hereditábit terram.
{v}14{/v}Familiáriter aget Dóminus cum timéntibus eum,{x}
ut testaméntum suum maniféstet illis.
{v}15{/v}Oculi mei semper ad Dóminum,{x}
quóniam ipse evéllet de láqueo pedes meos.
{v}16{/v}Réspice in me et miserére mei,{x}
quia únicus et pauper sum ego.
{v}17{/v}Diláta angústias cordis mei{x}
et de necessitátibus meis érue me.
{v}18{/v}Vide humilitátem meam et labórem meum{x}
et dimítte univérsa delícta mea.
{v}19{/v}Réspice inimícos meos, quóniam multiplicáti sunt,{x}
et ódio crudéli odérunt me.
{v}20{/v}Custódi ánimam meam et érue me;{x}
non erubéscam, quóniam sperávi in te.
{v}21{/v}Innocéntia et ǽquitas custódiant me,{x}
quia sustínui te.
{v}22{/v}Líbera, Deus, Israel{x}
ex ómnibus tribulatiónibus suis.
HTML © Juraj Vidéky