{v}1{/v}Dóminus pascit me, et nihil mihi déerit:{x}
{v}2{/v}in páscuis viréntibus me collocávit,
super aquas quiétis edúxit me,{x}
{v}3{/v}ánimam meam refécit.
Dedúxit me super sémitas iustítiæ{x}
propter nomen suum.
{v}4{/v}Nam et si ambulávero in valle umbræ mortis, non timébo mala,{x}
quóniam tu mecum es.
Virga tua et báculus tuus,{x}
ipsa me consoláta sunt.
{v}5{/v}Parásti in conspéctu meo mensam{x}
advérsus eos, qui tríbulant me;
impinguásti in óleo caput meum,{x}
et calix meus redúndat.
{v}6{/v}Etenim benígnitas et misericórdia subsequéntur me{x}
ómnibus diébus vitæ meæ,
et inhabitábo in domo Dómini{x}
in longitúdinem diérum.
HTML © Juraj Vidéky