{v}2{/v}Deus, Deus meus, quare me dereliquísti?{x}

Longe a salúte mea verba rugítus mei.

{v}3{/v}Deus meus, clamo per diem, et non exáudis,{x}

et nocte, et non est réquies mihi.

{v}4{/v}Tu autem sanctus es,{x}

qui hábitas in láudibus Israel.

{v}5{/v}In te speravérunt patres nostri,{x}

speravérunt et liberásti eos;

{v}6{/v}ad te clamavérunt et salvi facti sunt,{x}

in te speravérunt et non sunt confúsi.

{v}7{/v}Ego autem sum vermis et non homo,{x}

oppróbrium hóminum et abiéctio plebis.

{v}8{/v}Omnes vidéntes me derisérunt me;{x}

torquéntes lábia movérunt caput:

{v}9{/v}«Sperávit in Dómino: erípiat eum,{x}

salvum fáciat eum, quóniam vult eum».

{v}10{/v}Quóniam tu es qui extraxísti me de ventre,{x}

spes mea ad úbera matris meæ.

{v}11{/v}In te proiéctus sum ex útero,{x}

de ventre matris meæ Deus meus es tu.

{v}12{/v}Ne longe fias a me,{+}

quóniam tribulátio próxima est,{x}

quóniam non est qui ádiuvet.

{v}13{/v}Circumdedérunt me vítuli multi,{x}

tauri Basan obsedérunt me.

{v}14{/v}Aperuérunt super me os suum{x}

sicut leo rápiens et rúgiens.

{v}15{/v}Sicut aqua effúsus sum,{x}

et dissolúta sunt ómnia ossa mea.

Factum est cor meum tamquam cera{x}

liquéscens in médio ventris mei.

{v}16{/v}Aruit tamquam testa palátum meum,{+}

et lingua mea adhǽsit fáucibus meis,{x}

et in púlverem mortis deduxísti me.

{v}17{/v}Quóniam circumdedérunt me canes multi,{x}

concílium malignántium obsédit me.

Fodérunt manus meas et pedes meos,{x}

{v}18{/v}et dinumerávi ómnia ossa mea.

Ipsi vero consideravérunt et inspexérunt me;{+}

{v}19{/v}divisérunt sibi vestiménta mea{x}

et super vestem meam misérunt sortem.

{v}20{/v}Tu autem, Dómine, ne elongáveris,{x}

fortitúdo mea, ad adiuvándum me festína.

{v}21{/v}Erue a frámea ánimam meam{x}

et de manu canis únicam meam.

{v}22{/v}Salva me ex ore leónis{x}

et a córnibus unicórnium humilitátem meam.

{v}23{/v}Narrábo nomen tuum frátribus meis,{x}

in médio ecclésiæ laudábo te.

¶ Hæc ultima pars psalmi ad libitum dici potest.

{v}24{/v}Qui timétis Dóminum, laudáte eum,{x}

univérsum semen Iacob, glorificáte eum.

Métuat eum omne semen Israel,{x}

{v}25{/v}quóniam non sprevit neque despéxit afflictiónem páuperis,

nec avértit fáciem suam ab eo{x}

et, cum clamáret ad eum, exaudívit.

{v}26{/v}Apud te laus mea in ecclésia magna;{x}

vota mea reddam in conspéctu timéntium eum.

{v}27{/v}Edent páuperes et saturabúntur,{+}

et laudábunt Dóminum, qui requírunt eum:{x}

«Vivant corda eórum in sǽculum sǽculi!».

{v}28{/v}Reminiscéntur et converténtur ad Dóminum univérsi fines terræ,

et adorábunt in conspéctu eius univérsæ famíliæ géntium.

{v}29{/v}Quóniam Dómini est regnum,{x}

et ipse dominábitur géntium.

{v}30{/v}Ipsum solum adorábunt omnes, qui dórmiunt in terra;{x}

in conspéctu eius prócident omnes, qui descéndunt in púlverem.

{v}31{/v}Anima autem mea illi vivet,{x}

et semen meum sérviet ipsi.

{v}32{/v}Narrábitur de Dómino generatióni ventúræ,{+}

et annuntiábunt iustítiam eius pópulo, qui nascétur:{x}

«Hæc fecit Dóminus!».

HTML © Juraj Vidéky