{v}2{/v}Dómine in virtúte tua lætábitur rex,{x}
et super salutáre tuum exsultábit veheménter.
{v}3{/v}Desidérium cordis eius tribuísti ei{x}
et voluntátem labiórum eius non denegásti.
{v}4{/v}Quóniam prævenísti eum in benedictiónibus dulcédinis;{x}
posuísti in cápite eius corónam de auro puríssimo.
{v}5{/v}Vitam pétiit a te, et tribuísti ei,{x}
longitúdinem diérum in sǽculum et in sǽculum sǽculi.
{v}6{/v}Magna est glória eius in salutári tuo,{x}
magnificéntiam et decórem impónes super eum;
{v}7{/v}quóniam pones eum benedictiónem in sǽculum sǽculi,{x}
lætificábis eum in gáudio ante vultum tuum.
{v}8{/v}Quóniam rex sperat in Dómino{x}
et in misericórdia Altíssimi non commovébitur.
{full-text}[{v}9{/v}Invéniet manus tua omnes inimícos tuos,{x}
déxtera tua invéniet, qui te odérunt.
{v}10{/v}Pones eos ut clíbanum ignis in témpore vultus tui:{+}
Dóminus in ira sua deglútiet eos,{x}
et devorábit eos ignis.
{v}11{/v}Fructum eórum de terra perdes{x}
et semen eórum de fíliis hóminum.
{v}12{/v}Quóniam intendérunt in te mala,{x}
cogitavérunt consília: nihil potuérunt.
{v}13{/v}Quóniam pones eos dorsum,{x}
arcus tuos tendes in vultum eórum.]
{/full-text}{v}14{/v}Exaltáre, Dómine, in virtúte tua;{x}
cantábimus et psallémus virtútes tuas.
HTML © Juraj Vidéky