{v}1{/v}Quare fremuérunt gentes,{x}
et pópuli meditáti sunt inánia?
{v}2{/v}Astitérunt reges terræ,{+}
et príncipes convenérunt in unum{x}
advérsus Dóminum et advérsus christum eius:
{v}3{/v}«Dirumpámus víncula eórum{x}
et proiciámus a nobis iugum ipsórum!».
{v}4{/v}Qui hábitat in cælis, irridébit eos,{x}
Dóminus subsannábit eos.
{v}5{/v}Tunc loquétur ad eos in ira sua{x}
et in furóre suo conturbábit eos:
{v}6{/v}«Ego autem constítui regem meum{x}
super Sion, montem sanctum meum!».
{v}7{/v}Prædicábo decrétum eius.{+}
Dóminus dixit ad me: «Fílius meus es tu;{x}
ego hódie génui te.
{v}8{/v}Póstula a me, et dabo tibi gentes hereditátem tuam{x}
et possessiónem tuam términos terræ.
{v}9{/v}Reges eos in virga férrea{x}
et tamquam vas fíguli confrínges eos».
{v}10{/v}Et nunc, reges, intellégite,{x}
erudímini, qui iudicátis terram.
{v}11{/v}Servíte Dómino in timóre{x}
et exsultáte ei cum tremóre.
{v}12{/v}Apprehéndite disciplínam:{+}
ne quando irascátur, et pereátis de via,{x}
cum exárserit in brevi ira eius.
Beáti omnes,{x}
qui confídunt in eo.
HTML © Juraj Vidéky